Сар шинийн баярыг тохиолдуулан Нийслэлийн цагдаагийн газраас дараах сэрэмжлүүлгийг хүргэж байна.-Хэрвээ та гэртээ хүн үлдээлгүй олон хоног, цагаар явах гэж байгаа бол хаалга цонхныхоо бэхэлгээ, гэрэл цахилгаанаа сайтар шалгаж хажуу айлдаа захиж үлдээснээр орон байрны хулгай, гал түймрийн аюулаас урьдчилан сэргийлж чадна. Та гэрээ эзэнгүй орхихгүй байхыг хичээгээрэй.
-Хэрвээ танай хажуу айл эзэнгүй байгаа бол иргэнийхээ үүргийг биелүүлэн анхаарал хандуулан сэжигтэй зүйл илэрвэл цагдаагийн байгууллагад нэн даруй мэдэгдээрэй.
-Тээврийн хэрэгсэл дотроо эд зүйлээ орхих, харуул хамгаалалтгүй газар тээврийн хэрэгслээ удаан хугацаагаар орхих нь хулгайд эд зүйлээ алдах нэг нөхцөл гэдгийг санаарай
-Сархад савнаасаа бусдыг дийлдэг гэдэг ардын үгийг санан баярын өдрүүдэд согтууруулах ундааны зүйлийг соёлтой, зохистой хэрэглээрэй. Согтууруулах ундааг хэтрүүлэн хэрэглэснээр осгох, бэртэх зэрэг эрүүл мэндээрээ хохирохоос гадна гэмт халдлагад өртөх бусдыг хохироох эрсдэл дагуулдагийг анхаараарай.
