Сүүлийн үед хэвлэл мэдээллийн хэрэгслээр “Sweetymotion” хамтлагийн дуучин “Г.Сүндэрмаагийн найз залуу "Шинэ дэлхий телевиз"-ийн захирал гэнэ” гэсэн гарчигтай мэдээлэл гараад байгаа. Түүний талаархи олон олон сөрөг мэдээлэл хэвлэлээр цацагддаг хэдийн ч тэр бүр хариулт өгөөд байдаггүй нэгэн билээ. Тэрээр сүүлийн үед амнаас ам дамжин яригдаж, хэвлэлүүдээр цацагдаад буй, гэр бүлтэй телевизийн захиралыг насныхаа ханиар сонгож ээ гэсэн мэдээлэлд хариулт өгчээ. Тэрээр ярихдаа "Би найз залуутай болсон нь болсон гэхдээ гэрлэх талаар олонд зарлах арай эрт байна.

Түүнчлэн намайг телевизийн захиралаар ажилладаг эхнэр хүүхэдтэй хүнийг гэр бүлээс нь салгаж суух гэж байна гэсэн мэдээлэл цацагдаж байгаа бол наадах мэдээлэл чинь ямар ч ор үндэслэлгүй юм. Найз залуу маань хувиараа бизнес эрхэлдэг, бусдын адил эгэл жирийн л монгол эр хүн байгаа. Тэгээд энэ хэвлэл мэдээллийнхэн хүний өмнөөс худал мэдээллийг зохиож бичихээ болих хэрэгтэй, арай ч дэндээд байх шиг санагдаж байна. Миний хувьд нэг насны ханиа сонгоно гэдэг бол дэлгүүрийн лангуунаас бараа авч байгаатай адил зүйл биш гэж боддог. Ер нь хоёр биендээ л таалагдаж байвал боллоо ш дээ. Заавал баян чинээлэг, дарга, захирал байж сайхан амьдардаг гэдэгтээ би хэзээ ч санал нийлдэггүй юм" гэжээ.