“Монголын үндэсний бөхийн барилдааны дүрэм”-ийн 7.3-ийн “б”, “г” заалтыг үндэслэн улсын баяр наадмын зургаагийн даваанд учраагийнхаа гэдэс рүү тийрч, наадамчдын өмнө зүй бус авирласан улсын начин Баатархүүгийн Пүрэвсайхан, Мөн дүрмийн 7.3-ийн “б”, “г”, “и” заалтуудыг үндэслэн, Баянзүрх хайрханы хишиг барилдаан, Ардчилсан хувьсгалын 23 жилийн ойн барилдаануудын үеэр учраа бөхийнхээ шанаа болон ар шил рүү цохиж, олон нийтийн өмнө жудаггүй зан авир гаргасан улсын начин Рэнцэнбямбын Пүрэвдагва нарын барилдах эрхийг хоёр сарын хугацаагаар түтгэлзүүлээд байсан бол хоёр начин маань бөхөө дээдэлдэг, бөхд хайртай ард түмнээсээ уучлал гуйлаа. Ийнхүү гэмээ ухаарсан хоёр начинд МҮБХ барилдах эрхийг нь өгч улмаар XVII жарны усан могой жилийн сар шинийн барилдаанд барилдахаар боллоо.