Өчигдөр буюу "Тийн ялгуусан" хэмээх усан могой жилийн шинийн нэгэнд 10 охин 6 хүү хорвоод мэндэлжээ. Шинийн нэгний билигт сайн өдөр хүмүүн заяаг олсныхоо дууг хадаан мэндэлсэн бүх бяцхан үрсдээ баярын мэнд хүргье.

Ингээд та бүхэн эмнэлэгүүд баярын энэ өдрүүдэд хэрхэн ажиллах талаарх мэдээллийг хүргэж байна.

 Яаралтай түргэн тусламжийн 103 төв нь өчигдөрөөс эхлэн 6 эмч, автомашинаар хүч нэмэгдүүлэн ажиллаж байгаа бөгөөд энэ долоо хоногийг дуустал иргэдэд 24 цагийн турш 36 эмч, автомашин үйлчилэх юм байна.

Түүнчлэн цагаан сараар бүх өрхийн эмнэлэгүүд 10.00-16.00 цагийн хооронд иргэдэд үйлчилж байгааг дуулгалаа.

Сар шинийн баярын үеэр төрөл бүрийн хордлого, ялангуяа хоолны хордлого, архины хордлого, гэдэсний халдварт өвчин, осол гэмтэл, осголт, хөлдөлт нэмэгдэх хандлагатай байдаг учраас Нийслэлийн эрүүл мэндийн газраас иргэдийг баяраар архи дарс согтууруулах ундаа хэрэглэхгүй байх, архиар шахах зэрэг соёлгүй зангаас татгалзах, уусан үед хамт яваа архи хэтрүүлэн хэрэглэсэн хүнээ заавал гэрт нь хүргэж өгөх, хүзнсний бүтээгдэхүүний чанар, стандартыг шалгах хэрэгтэйг анхааруулсан юм.

Цагаан сараар эмнэлэгүүдийн ажиллах цагийн хуваарийг хүргэе:

    Нийслэлийн эрүүл мэндийн газар. Утас: 320981 /24 цагаар Хариуцлагатай жижүүр ажиллана/
    Бүх өрхийн эмнэлгүүд. /10-16 цагийн хооронд хооронд ажиллана/
    Дүүргүүдийн гэмтэл, дотор, шүдний кабинет. /10-16 цагийн хооронд ажиллана/
    Дүүргийн Нэгдсэн эмнэлгүүд. /24 цагийн турш өвчтөн хүлээн авна/
    Яаралтай тусламжийн төв “103”./24 цагаар нэмэлт эмч, машин гарна/
    Шүд эрүү нүүрний эмгэг судлалын төв /10-16 цагийн хооронд ажиллана/
    Дүүргүүдийн хүүхдийн түргэн./24 цагаар нэмэлт эмч, машин гарна/