Олимпийн болон паралимпийн алдарт тамирчин 26 настай Оскар Писториус найз охиноо хөнөөсөн хэрэгт сэжиглэгдэж байгаа талаар “CNN” онцолжээ.

    Өмнөд Африкийн алдарт тамирчин энэхүү хэрэгт сэжиглэгдэн шалгадах болсноос хойш ойрын таван чухал гүйлтийн тэмцээнд оролцохгүй гэдгээ мэдээлсэн байна. “Түүний энэхүү шийдвэр нь Писториусыг шүүх эрх зүйн үйл ажиллагаанд ард түмэн анхаарч, хүнд нөхцөл байдлаас гарахад туслахыг уриалж буй хэрэг юм” хэмээн тамирчны менежерүүд тайлбарлажээ.

    Валентины баярын өдөр буюу өнгөрсөн пүрэв гарагт түүний найз бүсгүй Рийва Стинкамп нийслэл Претори хотноо буудуулж амиа алдсан юм. Хамгийн сэжигтэй нь Өмнөд Африкийн хамгийн алдартай 29 настай модель найз бүсгүй нь Писториусын гэрт хөнөөгдсөн байжээ.

    Хэрэг явдал болсноос хоёр хоногийн дараа буюу өнгөрсөн бямба гаргаас паралимпийн аваргыг саатуулж эхэлжээ. Түүний гэрт бас Валентины баярын өдөр найз бүсгүй нь буудуулсан гэдэг нь аварга гүйгчийг энэхүү хэргийг үйлдсэн байж болох эхний сэжигтэн болгожээ.

Оскар Писториус нь паралимийн рекордыг олон удаа эвдэж, гүйлтийн 6 алт, нэг мөнгө, нэг хүрэл медаль зүүсэн хамгийн өндөр амжилттай тамирчин билээ. Хиймэл хөлтэй хэдий ч олимпийн гүйлтийн төрөлд амжилт нь тэнцэж уралдаад нэлээд урдуур барианд орсноор Оскар Писториус дэлхийд тэсвэр тэвчээрээ гайхуулсан юм.

Д.Идэр