Хэдхэн цагийн өмнө Өмнөд Солонгосын нэгэн хороололд түймэр дэгдсэн талаар "NHK" мэдээллээ.

    Өнгөрсөн шөнө орон нутгийн цагаар 20:30 цагт Сөүл хотын олон тооны оршин суугчидтай бүсийн нэг Инсадон хорооллын нэгэн ресторанд түймэр гарсан байна. Онцгой байдлын 130 гал сөнөөч томооохон түймрийг унтраахаар шуурхай ажилласан боловч зэргэлдээ байшингуудад гал авч түймэр улам ширүүсчээ.

    Гал гарснаас нэг цагийн дараа гэхэд ойролцоох зургаан томоохон байгууламж шатаж дэлбэрчээ. Инсадон хорооллын оршин суугчдыг нүүлгэн шилжүүлээд байна.

    Хорт хийнд угаартсан олон арван хүн эмнэлэгт хүргэгджээ. Одоогоор амь насаа алдсан гэх мэдээлэл ирээгүй байна. Ресторанд газ дэлбэрснээс гал гарсан гэж үзэж байгаа аж. Түймрийн шалтгааныг холбогдох хүмүүс мөрдөж байгаа аж.

Д.Идэр