МИАТ-ын хэрэгт "Монголиан Эйрлайнес" компанийн эзэн Ч.Хоролсүрэн, түүний төрсөн дүү Ч.Суурьтогтох, Н.Гантөмөр, МИАТ ХК-ийн гүйцэтгэх захирлын албан тушаалыг хашиж байсан гавьяат нисгэгч Р.Бат-Эрдэнэ, Б.Эрдэнэбилэг, Ц.Орхон болон түүний эхнэр Ү.Цэцэгмаа, Төрийн өмчийн хороонд ажиллаж байсан С.Батхишиг, МИАТ-ын захирал асан Б.Эрдэнэбилэгийн төрсөн дүү Б.Мандахбаяр нарын есөн хүнийг баривчлан цагдан хориод байгаа билээ. Мөн уг хэрэгт “Алтжин” компанийн захирал Г.Алтанг шалгаж байгаа гэсэн ч Нийслэлийн прокурорын газраас үүнийг эрс үгүйсгэсэн юм. Харин МИАТ-ын гэх тодотголтой тус хэрэгт УИХ-ын зарим гишүүдийг шалгаж байгаа хэмээн өнөөдөр Нийслэлийн прокурорын газраас мэдээлсэн юм. Харин одоогоор нэрийг нь нууцалж байгаа аж.
МИАТ-ын хэрэгт холбогдогсдыг МИАТ-аар дамжуулж ихээхэн хэмжээний мөнгө угаасан хэмээн Эрүүгийн хуулийн 150.3 буюу эрх мэдлээ урвуулан ашигласан, 166-д зааснаар мөнгө угаах гэмт хэргийг бүлэглэн үйлдсэн гэх заалтаар эрүү үүсгээд байгаа юм.
Сэтгэгдэл (14)