Соёл, спорт, аялал жуулчлалын яам, Улсын Драмын Эрдмийн театр, Монголын зохиолчдын эвлэл хамтран  зохиолчдын бүтээл туурвилыг тайзны бүтээл болгон олон нийтэд хүргэх зорилгоор жүжгийн зохиолын уралдааныг уламжлал болгон зохион байгуулдаг билээ. Харин энэ удаа “Орчин үеийн жүжгийн зохиолын уралдаан”-ыг зарласан бөгөөд энэ сарын 15-н хүртэл бүтээлээ хүлээн авч дууссан байна. Уралдаанд 90 гаруй зохиолчийн жүжгийн зохиол ирсэн бөгөөд уралдааны дүнг 2013 оны 3 дугаар сарын 15-ны дотор Соёл, спорт, аялал жуулчлалын сайдын тушаалаар байгуулагдсан комисс дүгнэн зарлах юм. Уралдааны тэргүүн байрын бүтээл 10 сая төгрөгийн шагналтай бол 2 дугаар байр 6 сая, 3 дугаар байр 4 сая төгрөгийн шагналтай ба тусгай байранд 3 зохиолчийг шалгаруулж тус бүр 1 сая төгрөгөөр шагнах ажээ. Энэхүү уралдаанд байр эзэлсэн бүтээлүүдийн шагналыг 2013 оны I дүгээр улиралд багтаан зохиогчид олгох юм байна.