Филиппин улсын хууль сахиулах албаны хүсэлтээр олон улсын эрүүгийн цагдаагийн газар буюу Интерполоор манай улсын иргэн 21 настай Т.Аятунгааг эрэн сурвалжилж эхэлсэн талаар мэдээлсэн. Түүнийг Филиппин улсын иргэн П.Вендо гэгчтэй хамтран нутаг нэгтнээ хүний наймааны золиос болгосон, хар тамхи тээвэрлэсэн хэрэгт холбоотой байж болзошгүй хэмээн сэжиглэн, эрэн сурвалжилж байгаа хэмээн хэвлэлээр цацагдаад байгаа билээ.
    Филиппин улсын хууль сахиулах албаны хүсэлтээр олон улсын эрүүгийн цагдаагийн газар буюу Интерполоор манай улсын иргэн 21 настай Т.Аятунгааг эрэн сурвалжилж эхэлсэн талаар мэдээлсэн. Түүнийг Филиппин улсын иргэн П.Вендо гэгчтэй хамтран нутаг нэгтнээ хүний наймааны золиос болгосон, хар тамхи тээвэрлэсэн хэрэгт холбоотой байж болзошгүй хэмээн сэжиглэн, эрэн сурвалжилж байгаа хэмээн хэвлэлээр цацагдаад байгаа билээ.
    Харин Т.Аяатунгаа нь хар тамхи худалдаалсан, хүний наймааны хэргээр эрэн сурвалжлагдаагүй юм байна. Тодруулбал, Интерполын вэб хуудсанд Д.Аятунгааг хүүхдийн эсрэг гэмт хэргээр эрэн сурвалжилж байгаа хэмээн бичжээ. Тэгэхлээр хэвлэлээр мэдээлсэн шиг хар тамхи, нутаг нэгтнээ хүний наймааны золиос болгосон хэргээр сурвалжлагдаагүй аж.

   Тодруулбал, түүнийг таван сартай хүүхдээ гадаад нөхрөөсөө хулгайлан зугтсан нь ийнхүү Интерполоор сурвалжлагдахад хүргэсэн байна. Гэвч үнэн хэрэгтээ түүний нөхөр Чарльз Эргэн хүүхдээ таван сартай байхад нь Т.Аятунгаагаас хулгайлан зугтсан байна. Тухайн үед Т.Аятунгаа Филиппиний хуулийн байгууллагад хандаж охиноо хайлгасан боловч визнийх нь хугацаа дууссанаар нутагтаа иржээ. Түүний охин одоо есөн сартай болж байгаа ч өнөөдрийг хүртэл ямар ч сураггүй байгаа юм байна. Харин энэ талаар Т.Аятунгаа "Намайг Интерполоор хар тамхи, хүний наймааны хэрэгт эрэн сурвалжилж байгаа гэх мэдээлэл цацагдсан гайхаж байна. Энэ бол цэвэр гүтгэлэг. Охиныг маань хулгайлчихаад намайг гүтгэж байгаад гайхаж байна. Манай цагдаа хуулийн байгууллагууд охиныг маань олж өгнө, хэргийн үнэн мөнийг олон нийтэд зөвөөр ойлгуулна гэдэгт итгэж байгаа." гэлээ.

    Т.Аятунгаа нь 2008 онд “Супер модель” тэмцээний ялагчаар тодорч, “Гран при” шагналыг хүртэж байсан ирээдүйтэй загвар өмсөгчдийн нэг байжээ. Мөн “Miss Mongolia 2011” тэмцээнд оролцож, шилдэг 20 оролцогчийн нэг болж байсан төдийгүй тухайн үед Хүмүүнлэгийн ухааны их сургуульд байсан аж. Түүнчлэн “Bavaria” пивоны сурталчилгаанд тоглож байсан юм байна.