ОХУ-ын Халимагийн бүгд найрамдах улсын Ерөнхийлөгч асан Кирсан Илюмжинов манай улсад өнөөдөр ирлээ.

 Тэрбээр Олон улсын шатрын холбооны ерөнхийлөгчийн хувьд айлчилж байгаа юм. Айлчлалын бүрэлдхүүн өнөөдөр 11.00 цагт Монголын шатрын холбооны удирдлагуудтай уулзлаа.  Тэрбээр  манай талтай хамтран 2014 онд Монгол улсад олон улсын өндөр зэрэглэлийн шатрын гранпри тэмцээн зохион байгуулах санамж бичигт гарын үсэг зурлаа.
   Кирсан Илюмжинов 2008 онд манай улсад айлчилж Монголд шатрын ордон барьж өгнө хэмээж байсан удаатай. Тэрбээр тухайн үед "Монгени" сургуулийн зургадугаар ангид сурдаг, "Лидер" клубт хичээллэдэг Ү.Үүрийнтуяа гэдэг охинтой шатар тоглож ялагдаж байсан юм.