Хятадын Ардын чөлөөлөх арми хакеруудыг хяналтдаа авч, санхүүжүүлж байна хэмээн барууны хэвлэлүүд мэдээлж эхэлсэн билээ. Энэхүү мэдээллийг АНУ-ын мэдээллийн аюулгүй байдлын "Mandiant" компани анх цацсан юм.

    Хятадын Ардын чөлөөлөх арми хакеруудыг хяналтдаа авч, санхүүжүүлж байна хэмээн барууны хэвлэлүүд мэдээлж эхэлсэн билээ. Энэхүү мэдээллийг АНУ-ын мэдээллийн аюулгүй байдлын "Mandiant" компани анх цацсан юм.

    "Хятадын Засгийн газар эдгээр хакеруудыг мэднэ. Тэд Засгийн газраас дэмжлэг авч байгаа нь илэрхий" гэж 3 жилийн турш мөрдөн байцаах ажиллагаа явуулсны эцэст тус компаний мэргэжилтнүүд дүгнэсэн билээ.

    Хэдхэн цагийн өмнө энэ мэдээллийн хариуд Хятадын Засгийн газрын төлөөлөл мэдэгдэл хийсэн талаар “BBC” мэдээлжээ.

    "Mandiant" компани Америкийн сонин, засгийн газрын байгууллага, компаниудыг дайрч байгаа хакерууд Хятад улсад байрласныг IP хаягаар илрүүлсэн юм. Нарийн баримттай гаргасан мөрдөн байцаалтад "АРТI" хэмээх нэгэн бүлгийн кибер дайралт Шанхайн захад байгаа байшингаас хүртэл ажиглагдаж байгааг сайт дэлгэсэн.

    Хятадын Батлан хамгаалахын яамны албан ёсны хуудаснаа “IP хаягаар дамжуулан манай улсаас кибер хулгай хийсэн хэмээн мэдээлсэн байна. Маш олон тооны хакерчид бусдаас “дээрэмдсэн” IP хаягаар кибер дайралт хийдэг нь илэрхий асуудал юм” хэмээн мэдэгджээ.