Цагаан сарын баяраар Солонгост байгаа Монголчуудаа баярлуулахаар Гурван бүдүүн хамтлаг болон дуучин A Cool нар хамтран “Цагаан сар Түндэмүн” тоглолтоо хийгээд ирсэн билээ. Тэгвэл “Гурван бүдүүн” хамтлаг 10 жилийн ойдоо зориулж, “Монгол ээж” нэртэй шинэ CD-гээ гаргаж байгаа юм байна. Цомгийнхоо нээлтийг ирэх сарын 8-нд 12:00 цагаас буюу олон улсын эмэгтэйчүүдийн баярын өдөр “i loft function house”-т хийхээр төлөвлөжээ. Тэд эхний 50 худалдан авагчдад CD болон плакат зэрэг гарын бэлгийг гардуулах бөгөөд уг цомгийнхоо үдэшлэгийг үргэлжлүүлээд 20:00 цагаас фенүүдийнхээ хамт хийхээр болсон байна. Уг үдэшлэгт “Outlaw”, “Мотив” гээд хамтлаг дуучид ирэх гэнэ.