Энэ сарын 19-ны өдөр Дархан-Уул аймагт хүүхдээ өөрөө эх барьж авсан хэрэг гарчээ. Тодруулбал, тус аймгийн эмнэлгийн төрөх тасагт 27 настай Г эмэгтэй амаржихаар очсон байна. Гэвч түүнийг эх барихын эмч нар тоогоогүй учраас бүсгүй өөрөө хүүхдээ эх барьж авчээ.
    Энэ сарын 19-ны өдөр Дархан-Уул аймагт хүүхдээ өөрөө эх барьж авсан хэрэг гарчээ. Тодруулбал, тус аймгийн эмнэлгийн төрөх тасагт 27 настай Г эмэгтэй амаржихаар очсон байна. Гэвч түүнийг эх барихын эмч нар тоогоогүй учраас бүсгүй өөрөө хүүхдээ эх барьж авчээ.
    Г бүсгүй харж хандах хүнгүй, аймгийн хүүхэд гэр бүлийн хөгжлийн хэлтсийн хяналтад байдаг аж. Ар гэрээс нь харж хандах хүнгүй, эмч нарын гар дээр тавих мөнгөгүйн улмаас эмч нар түүнийг огт тоохгүй байжээ. Тиймээс бүсгүй арга буюу хүлээлгийн өрөөнд амаржиж өөрөө хүүхдээ эх барьж авч, 3,5 кг хүүтэй болсон байна.
   Тэрээр анх эх барих хүн байхгүй учраас хүүгээ газар унагаасан хэмээн мэдээлсэн ч дараа нь яг газар унаагүй унахаас нь өмнө барьж авсан гэжээ. Үүнийг гэрчүүд эмч нараас эмээгээд тийм хариулт өгсөн гэжээ.
    Энэ талаар тус эмнэлгийн эмч нар “төрөх  тасаг ачаалал ихтэй ажилладаг” гэдэгтэй холбон тайлбарласан аж. Тус аймгийн төрөх тасагт 20 эх баригч ажилладаг. Нэг ээлжинд 4 эх баригч ээлжилдэг юм байна.