МАН-ын Удирдах зөвлөл өнөөдөр хуралдаж, эв нэгдлийн элчийг ард түмнээсээ асууж тодруулах, шийдвэрээ хэрхэн хэрэгжүүлэх, намын Их хурлаа хэдийд хийх гээд бусад дотоод асуудлуудыг талаар хэлэлцжээ.
    МАН-ын Удирдах зөвлөл өнөөдөр хуралдаж, эв нэгдлийн элчийг ард түмнээсээ асууж тодруулах, шийдвэрээ хэрхэн хэрэгжүүлэх, намын Их хурлаа хэдийд хийх гээд бусад дотоод асуудлуудыг талаар хэлэлцжээ. Мөн үндэсний эв нэгдлийн элчийг ард түмнээсээ асуух санаачилгаа хэрхэн явуулах чиглэлийг баталсан байна. Эхний үе шат нь ямар шаардлага, шалгуур хангасан хүн Үндэсний эв нэгдлийн элч байх вэ гэдгийг иргэдээсээ асуух юм байна. Харин дараа нь ард иргэдийн саналаар тодорхой болсон тэрхүү шалгуурыг хэн илүү сайн, бүрэн дүүрэн хангах вэ гэж дахин асуух аж. Тэрхүү ард түмнээ сонссон үр дүнгээр илүү их хүлээн зөвшөөрөгдсөн нэрийг Монгол Ардын Нам Ерөнхийлөгчид нэр дэвшүүлэх юм. Түүнчлэн Монгол Ардын Намын гишүүд дэмжигчид төдийгүй нийгэм даяар тус намын Их хурлыг хүлээсэн хийрхэл, таамаглал газар авч байгаатай холбоотой тус асуудлыг хагалах нь чухал гэж үзэж, уг Удирдах зөвлөлийн хурлаар оруулсан юм байна. Ингэснээр Удирдах зөвлөлийн нийт гишүүдийн 80 хувийн саналаар Монгол Ардын Намын XVII Их хурлыг Ерөнхийлөгчийн сонгуулийн дараа хийх нь зөв хэмээн шийдвэрлэжээ.