“Сонирхлын зөрчлөөс сэргийлэх тухай хууль” хэлэлцсэн УИХ-ын өнөөдрийн үдээс өмнөх хуралдаан дээр Н.Энхболд гишүүн яг ингэж хэлэв. Тус хуулийн эхний хэлэлцүүлэг дээр зарчмын зөрүүтэй 22 асуудлаар санал хураасны нэгэнд “Төрийн албан хаагч жилийн орлого нь 10 сая төгрөгөөс хэтрэхгүй, өрхийн амьжиргааны зориулалтаар мод болон амьтан үржүүлгийн аж ахуй эрхлэхийг зөвшөөрнө” гэсэн заалтаар санал хураах гэж байтал Н.Энхболд гишүүн гар өргөж “Амьтан гэж байгааг зөгий, загас гэж тодорхой зааж өгье” гэсэн мэргэн санаа дэвшүүлэв. Тэгсэнээ “Зөгий бол яахав, амьтандаа орохгүй. Загас гэж энд заавал нэрээр нь тусгаж өгмөөр байна” хэмээн тэрбээр зүтгэсэн боловч түүний санал гишүүдийн анхаарлыг ч татсангүй, спикер ч “Ерөнхий агуулгаар нь ойлгоод явсан нь дээр байлгүй дээ” гээд санал хураахаар алхаа тогшив. “Сонирхлын зөрчлөөс сэргийлэх тухай хууль” хэлэлцэхэд нэг сонин юм болсон нь хууль боловсруулах Төрийн байгуулалтын байнгын хорооны ажлын хэсгийг ахалсан Су.Батболд гишүүн ажлын хэсгийн ахлагчаас татгалзаж байгаагаа мэдэгдсэн явдал байлаа. “Төрийн албан хаагч гэдэг үгнээс та нар юундаа айгаад байгаа юм бэ, төрийн гэдэг сайхан үг энэ хуулинд яагаад байж болдоггүй юм. Бүтэн жил би энийг ойлгох гэж явсан. Одоо ингээд та нар үгүйсгэж байна” хэмээн тэрбээр бухимдаад “Би энэ ажлын хэсэгт цаашид ажиллаж чадахгүй, гарлаа. Энэ хууль явахгүй ээ” хэмээн “занав”. Спикерийг хурал удирдаж байхад тэрбээр танхимаас мөн үргэлжлүүлэн хашгирсаар байлаа. Харин 30-аад минутын дараа микрофон авсан Р.Гончигдорж гишүүн “Нийтийн албан хаагч гэдэгт ямар албан тушаалтан орохыг хуулийн төслийн 4.1-д тодорхой заагаад өгчихсөн учраас бухимдаж маргалдах явдалгүй” хэмээн учирлаж байв. Үүнээс хойш санал хураалт саадгүй сайхан явж байх дундуур байнгын хороо журам батлах тухай нэгэн санал дэмжигдэхэд спикер алх тогшсон хойноо гэнэт “Байнгын хороо журам батална гэнэ үү. Үгүй энэ чинь зөв л явж байдаг байгаа даа” хэмээн ганцаараа ч юм уу гэмээр ярьсан боловч, нэгэнт алхаа тогшсон тул дахиж юм хэлсэнгүй чимээгүй болов.

“Сонирхлын зөрчлөөс сэргийлэх тухай хууль” хэлэлцсэн УИХ-ын өнөөдрийн үдээс өмнөх хуралдаан дээр Н.Энхболд гишүүн яг ингэж хэлэв. Тус хуулийн эхний хэлэлцүүлэг дээр зарчмын зөрүүтэй 22 асуудлаар санал хураасны нэгэнд “Төрийн албан хаагч жилийн орлого нь 10 сая төгрөгөөс хэтрэхгүй, өрхийн амьжиргааны зориулалтаар мод болон амьтан үржүүлгийн аж ахуй эрхлэхийг зөвшөөрнө” гэсэн заалтаар санал хураах гэж байтал Н.Энхболд гишүүн гар өргөж “Амьтан гэж байгааг зөгий, загас гэж тодорхой зааж өгье” гэсэн мэргэн санаа дэвшүүлэв. Тэгсэнээ “Зөгий бол яахав, амьтандаа орохгүй. Загас гэж энд заавал нэрээр нь тусгаж өгмөөр байна” хэмээн тэрбээр зүтгэсэн боловч түүний санал гишүүдийн анхаарлыг ч татсангүй, спикер ч “Ерөнхий агуулгаар нь ойлгоод явсан нь дээр байлгүй дээ” гээд санал хураахаар алхаа тогшив. “Сонирхлын зөрчлөөс сэргийлэх тухай хууль” хэлэлцэхэд нэг сонин юм болсон нь хууль боловсруулах Төрийн байгуулалтын байнгын хорооны ажлын хэсгийг ахалсан Су.Батболд гишүүн ажлын хэсгийн ахлагчаас татгалзаж байгаагаа мэдэгдсэн явдал байлаа. “Төрийн албан хаагч гэдэг үгнээс та нар юундаа айгаад байгаа юм бэ, төрийн гэдэг сайхан үг энэ хуулинд яагаад байж болдоггүй юм. Бүтэн жил би энийг ойлгох гэж явсан. Одоо ингээд та нар үгүйсгэж байна” хэмээн тэрбээр бухимдаад “Би энэ ажлын хэсэгт цаашид ажиллаж чадахгүй, гарлаа. Энэ хууль явахгүй ээ” хэмээн “занав”. Спикерийг хурал удирдаж байхад тэрбээр танхимаас мөн үргэлжлүүлэн хашгирсаар байлаа. Харин 30-аад минутын дараа микрофон авсан Р.Гончигдорж гишүүн “Нийтийн албан хаагч гэдэгт ямар албан тушаалтан орохыг хуулийн төслийн 4.1-д тодорхой заагаад өгчихсөн учраас бухимдаж маргалдах явдалгүй” хэмээн учирлаж байв. Үүнээс хойш санал хураалт саадгүй сайхан явж байх дундуур байнгын хороо журам батлах тухай нэгэн санал дэмжигдэхэд спикер алх тогшсон хойноо гэнэт “Байнгын хороо журам батална гэнэ үү. Үгүй энэ чинь зөв л явж байдаг байгаа даа” хэмээн ганцаараа ч юм уу гэмээр ярьсан боловч, нэгэнт алхаа тогшсон тул дахиж юм хэлсэнгүй чимээгүй болов.