Дархан-Уул аймгийн эрүүлжүүлэх байранд өнгөрсөн оны гуравдугаар сарын
30-нд амь насаа алдсан Г.Гантулгын аав Ц.Гүнтэв сэтгүүлчдэд хандлаа. Өнөөдөр 11.00 цагт Дархан-Уул аймгийн Цагдаагийн газрын эрүүлжүүлэх байранд хүн амины хэрэг гарсан уу?” сэдвээр иргэн Ц.Гүнтэв сэтгүүлчдэд хандлаа. Тэрээр хүүгийнх нь амь насанд эрүүлжүүлэх байрны эмч Ц.Оюунболд хүрсэн, уг хэргийг цагдаа, прокурорынхон нуун дарагдуулж байна хэмээлээ. Тодруулбал, өнгөрсөн оны гуравдугаар сарын 29-ний шөнө хохирогч Г.Гантулга хэдэн хүний хамт согтууруулах ундаа хэрэглэсэн үедээ эрүүлжүүлэх байранд хүргэгджээ.Гэвч өглөө 4.00 цагт эмнэлгийн тусламж авч чадалгүйгээр нас барсан байна. Тухайн үед хохирогч их хэмжээний цус алдаж, хавирга нь хугарсан, нүүрэндээ ил шархтай байжээ.Хэрэг гарах үед эрүүлжүүлэх байрны эмч Ц.Оюунболд ээжрүүгээ утсаар ярьж “Ээж ээ, би хүн алчихлаа. Харьж чадахгүй нь” хэмээн уйлж байсан тухай Ц.Гүнтэв гуай ярив.
Мөн Ц.Оюунболдын ах нь “Хэргийн талаар шүүх, цагдаад хандаад хэрэггүй. Танайд машин, мөнгө өгье” хэмээн хохирогчийн ар гэрийнхэнтэй уулзаж байсан гэнэ.
Харин Шүүх эмнэлгийн шинжилгээгээр “Архины хурц хордлогын улмаас нас барсан. Талийгаачийн баруун хоёр хавирганы хугарал, нүүрний зулгарал, өвдөгт цус хурсан нь амь насаа алдах шалтгаан болоогүй” гэсэн дүгнэлтийг гаргасан байна. Хэргийн талаар хохирогчийн ар гэрийнхэн аймгийн Прокурорын газар, Улсын ерөнхий прокурор зэрэг байгууллагад удаа дараа хандсан ч хэрэгсэхгүй болгосоор байгаа ажээ. Хохирогчийн аав Ц.Гүнтэв “Цагдаагийн ажилтан хохирогчийн амь насанд хүрсэн баримт нотолгоо байсаар байхад шийдвэр гаргахгүй, прокурор энэ хэргийг хэрэг бүрдэлт бүрдээгүй гэсэн үндэслэлээр хаасан. Тиймээс би гомдолтой байна" гэв.
24tsag.mn
Сэтгэгдэл (2)