Таныгаа бид дахин харахгүй гэхээр итгэж ядан байна. Цэл залуухан 37 насандаа бусдын гарт хорлогдож, ийм их уй гашуу үлдээгээд явна чинээ санасангүй. Хайрцаг дүүрэн мандарин барьчихсан инээд алдан бидэн дээрээ орж ирсэн нь өчигдөрхөн. Ийм байтал өнөөдөр таныг минь биднээс аваад явлаа гэдэгт итгэхийг хэн ч хүсэхгүй байна. Таныхаа араас илгээх сэтгэлийн үг бүрийг шивэн суухдаа нулимс урсаж, гар салаганан, харуусаж байна. Юу болох нь энэ вэ? Та минь биднийхээ хажууд үргэлж байж, сэтгэлийн халуун үгээр мялааж, өлсөөд ороод ирэхэд, ажил дээр халуун хоол цайтай угтдагсан. Таны минь бидэндээ зориулах халуун сэтгэлийг мэдрэхгүй гэхээс гашуудахын дээдээр гашуудаж, харуусан сууна. Та бидний аав минь бас багш минь байсан... Та минь бидний ирээдүйн амжилтын их оргил нь байсан... Таны минь хурц шудрага үг даруухан инээмсэглэл чинь биднийг хөглөх, түлхүүр нь байсан... Та минь даанч яавдаа. Бурхан тэнгэр гэж байдаг бол, яагаад заавал танд минь шунасан юм бэ? Таны минь амь хэдхэн халтар төгрөгний хойноос шунах сувдаг сэтгэлтнүүдийн гарт өртөх байсан юм бол, яах гэж өнөөдрийг хүртэл тэмцэж, ирээдүйн зорилгоо биелүүлэхийн төлөө нойроо хугаслан зүтгэж байв аа... Таны минь алтан амийг биднээс авсан тэр хогын ургамалыг энэ хорвоо даах болов уу? Та минь чинхүү шударга, ариун гэгээн үйлсийнхээ үр дүнг дөнгөж үзэж байгаад даанч эрт биднийгээ орхилоо. Уул шиг аавынхаа ачийг хариулахыг бид зөндөө их хүссэн юмсан. Таныхаа зааж сургасан бүхнийг, чадан ядан биелүүлж явахдаа өөрсдийгөө чамлаж байв ч та минь хэзээ ч биднийг чамлаж, зэмлэж байсангүй. Ийм л агуу, ийм л хүнлэг, ухаалаг, энэрэнгүй,нинжин сэтгэлтай таныхаа хойноос цурхиран уйлахаас өөрөөр юу ч хийж чадахгүй байгаадаа зүрх шимширч байна. Сэтгүүл зүйн мөн чанарыг ойлгуулахын төлөө, өөрийн хүчээ шавхан ажиллаж байсан та минь биднээрээ бахархах цаг тун удахгүй ирэх байсан ч та минь хүлээж чадсангүй. Яагаад... Яагаад... гэдэг үгийг мянга, сая дахин асуусан ч хариулт олж чадахгүй сууна. Анх телевизийнхээ үүд хаалгыг зориод ирэхэд, тосоод авсан аав минь та шүү дээ...Ө дөр хоног өнгөрөх тусам таныхаа эзэмшсэн чадварыг өвлөж авахын төлөө бид чинь хичээн зүтгэдэг байсан шүү. Гэвч одоо тэр хичээл зүтгэлийг та минь хэзээ ч харж чадахгүй боллоо. “NBS” гэсэн нэр таны минь нэрний товчлол уу? гэж хүн бүхэн анх асуудаг байсансан... Зориуд тэгж нэрлээгүй ч энэ гурван үсэг тантай салшгүй холбоотой байсан гэдгийг олон түмэн батална аа...
“NBS” гэсэн нэрийг хэлэх тоолонд таныг санаж, гашуудан харуусах хүмүүс, биднээс минь эхлээд олон байна шүү дээ. Та минь босоод ирээч дээ... Битгий үүрд яваач. Тантай мөр зэрэгцэн явж байсан олон мянган анд нар тань амьд сэрүүн л байна шүү дээ. Ганцхан та минь л биднийгээ орхилоо... Үхсэн хүн үг хэлдэг бол, чухам юу танд минь тохиолдсоныг асуух юмсан... Хүний хорвоод тан шиг, чин шударгаар хөдөлмөрлөж, нийгмийн болж бүтэхгүй болгонтой өөрийн хурц үг хэллэг, дуу хоолойгоороо тэмцэж явсан таны минь хажууд, тэр хүмүүс таны минь үсний ганц ширхэгт дүйцэж очиж чадахгүй, хүний сүг байж дээ... Мянга гаслан харуусавч, та минь эргээд ирэхээргүй явжээ гэдэгтэй бид чинь яаж эвлэрнэ дээ... Сэтгүүл зүйн салбарт та минь мянга мянган шавь төрүүлж, өдгөө тэдгээр хүмүүс нэрийг тань дуурсган явж байгаа хайрт ах С.Наранбаатар та минь тэнгэрийн орноос заавал хараарай. Таны хийж амжаагүй, бодож, байсан бүхнийг тань “NBS” телевизийн шавь нар бид чинь үргэлжлүүлэн гүйцээхээ амлаж байна. Таны үзэг нэгт анд Мөнх-Баясгалан эгчийн таны төлөө унагасан уран цэцэн үгтэй дүйцэхгүй байж магадгүй ч бид чинь сэтгэлээс гарч байгаа үгээ арай ядан эвлүүлэн бичлээ.. Хайранч сайхан хайрт ах минь.. Таныхаа хань, хоёр хүүхэд, ах дүү төрөл төрөгсөд, үзэг нэгт анд нар, үй зайгүй найз нарт нь бүгдэд нь гүн эмгэнэл илэрхийлье. Та минь Тэнгэрийн оронд тайван нойрсоорой... Бидний сэтгэлийн үгийг нийтэлж өгсөн хэвлэл мэдээллийн салбарынхандаа талархаж байна.
Таныг хүндэтгэсэн: “NBS” телевизийн шавь нар, уран бүтээлчид..
“NBS” гэсэн нэрийг хэлэх тоолонд таныг санаж, гашуудан харуусах хүмүүс, биднээс минь эхлээд олон байна шүү дээ. Та минь босоод ирээч дээ... Битгий үүрд яваач. Тантай мөр зэрэгцэн явж байсан олон мянган анд нар тань амьд сэрүүн л байна шүү дээ. Ганцхан та минь л биднийгээ орхилоо... Үхсэн хүн үг хэлдэг бол, чухам юу танд минь тохиолдсоныг асуух юмсан... Хүний хорвоод тан шиг, чин шударгаар хөдөлмөрлөж, нийгмийн болж бүтэхгүй болгонтой өөрийн хурц үг хэллэг, дуу хоолойгоороо тэмцэж явсан таны минь хажууд, тэр хүмүүс таны минь үсний ганц ширхэгт дүйцэж очиж чадахгүй, хүний сүг байж дээ... Мянга гаслан харуусавч, та минь эргээд ирэхээргүй явжээ гэдэгтэй бид чинь яаж эвлэрнэ дээ... Сэтгүүл зүйн салбарт та минь мянга мянган шавь төрүүлж, өдгөө тэдгээр хүмүүс нэрийг тань дуурсган явж байгаа хайрт ах С.Наранбаатар та минь тэнгэрийн орноос заавал хараарай. Таны хийж амжаагүй, бодож, байсан бүхнийг тань “NBS” телевизийн шавь нар бид чинь үргэлжлүүлэн гүйцээхээ амлаж байна. Таны үзэг нэгт анд Мөнх-Баясгалан эгчийн таны төлөө унагасан уран цэцэн үгтэй дүйцэхгүй байж магадгүй ч бид чинь сэтгэлээс гарч байгаа үгээ арай ядан эвлүүлэн бичлээ.. Хайранч сайхан хайрт ах минь.. Таныхаа хань, хоёр хүүхэд, ах дүү төрөл төрөгсөд, үзэг нэгт анд нар, үй зайгүй найз нарт нь бүгдэд нь гүн эмгэнэл илэрхийлье. Та минь Тэнгэрийн оронд тайван нойрсоорой... Бидний сэтгэлийн үгийг нийтэлж өгсөн хэвлэл мэдээллийн салбарынхандаа талархаж байна.
Таныг хүндэтгэсэн: “NBS” телевизийн шавь нар, уран бүтээлчид..
Сэтгэгдэл (3337)