БШУ-ны яам, Азийн хөгжлийн банктай хамтран Улаанбаатар хотноо "Сургуулийн өмнөх боловсролын чанар" сэдэвт үндэсний форумыг зохион байгууллаа.
     Энэ форумд оролцогчид сургуулийн өмнөх боловсролын чанарын өнөөгийн байдал, Засгийн газраас  боловсролын салбарт дэвшүүлж буй чанарын шинэчлэлийн зорилтыг хэрэгжүүлэхтэй уялдуулан сургуулийн өмнөх боловсролын чанарын талаар  цаашид баримтлах бодлого чиглэлийг  хэлэлцэж дараах нэн тэргүүнд авч хэрэгжүүлэх арга хэмжээг тодорхойлсон зөвлөмжийг гаргаж байна. Үүнд:

1.      Сургуулийн өмнөх боловсролын хүний нөөцийн чиглэлээр:
Багш бэлтгэх тогтолцооны чанарыг сайжруулах

  -Багш бэлтгэх сургуулийн багшлах боловсон хүчний залгамж халааг  давтан бэлтгэх, тэдний мэргэжлийг дээшлүүлэх, гадаадад бэлтгэх  арга хэмжээг авах
   -Багш  бэлтгэх сургуулийн багш нарын судалгаа, эрдэм шинжилгээ, арга зүйн чадавхийг сайжруулах чиглэлээр бодитой хөрөнгө оруулалт хийх
   -Суралцаж буй оюутанд ноогдох  дадлагын цаг, агуулга, зардлыг  нэмэгдүүлэх
   -Цэцэрлэгийн багш бэлтгэх сургалт эрхлэх төрийн болон төрийн бус өмчийн байгууллагад тавигдах шаардлагыг боловсруулж мөрдөх
   -Цэцэрлэгийн удирдах ажилтныг бэлтгэх урт, богино хугацааны олон улсын түвшний шаардлагад нийцэх хөтөлбөр бий болгох
    -Багш бэлтгэх сургуульд элсэгчдэд тавигдах шаардлагыг өндөрсгөх, суралцах нөхцөлийг дэмжих арга хэмжээ авах
    -Дуу хөгжим-цэцэрлэгийн багш, бага анги-цэцэрлэгийн багш зэрэг хосолмол мэргэжлээр мэргэжилтэн бэлтгэх

Багшийн мэргэжил дээшлүүлэх тогтолцооны чанарыг сайжруулах

    -Багш ажлын байран дээр болон бие даасан байдлаар мэргэжил дээшлүүлэх төрөл хэлбэрийг өргөжүүлэх үүнд шаардлагатай технологийн болон мэдээллийн нөөцийг бүрдүүлэх
   -Багш, арга зүйчдэд  мэдээлэл харилцааны технологийн ур чадвар эзэмшүүлэх сургалт зохион байгуулах, зөөврийн болон суурин компьютерээр багш бүрийг хангах
   -Мэргэжил дээшлүүлэх сургалтын хэрэгцээг судлах, цэцэрлэг, багш нараас санал авах, мэргэжил дээшлүүлэх зардлыг цэцэрлэгүүдийн төсөвт тусгаж байх,
    -Багш нар харилцан мэдлэг, туршлага, ур чадвар, туршлагаа солилцох мэргэжлийн сүлжээ байгуулах, багш хөгжлийн төвүүдийг энэ зорилгод ашиглах
    -Багшийн мэргэжил дээшлүүлэх сургалтын агуулгын давхацлыг арилгах, модуль сургалтын хэлбэрт шилжүүлэх
    -Багшийн мэргэжил дээшлүүлэх зардлыг төрөл хэлбэр бүрээр нэмэгдүүлэх
    -Кредит хөөцөлдсөн мэргэжил дээшлүүлэх сургалтаас багшийн мэргэжлийн ур чадварын өсөлтийг дэмжсэн хандлагад шилжих
     -Төрийн бус байгууллагуудаар зарим багшийн мэргэжил дээшлүүлэх сургалтыг гэрээлэн гүйцэтгүүлэх

СӨБ-ын бусад хүний нөөцийг бэлтгэх

   -Цэцэрлэгийн туслах багшийг бэлтгэх  тэдэнд анхан шатны ур чадвар эзэмшүүлэх, мэргэшүүлэх байдлаар хөгжүүлэх чадамжид суурилсан сургалтын тогтолцоонд шилжүүлэх
    -Цэцэрлэгийн эмч, тогооч нарын мэргэжлийг дээшлүүлэх хөтөлбөр бий болгох

Багшийн үнэлгээг сайжруулах

   -Цэцэрлэгийн багшийн мэргэжлийн ур чадвар, мэргэшилд тавигдах шаардлагыг боловсруулж түүнд нийцсэн багшийн ур чадварыг хөгжүүлэх  чанарын үнэлгээний тогтолцоонд шилжих
    -Багшаас хүүхэд бүртэй ажиллаж хөгжүүлж буй хөдөлмөрийг урамшуулан дэмжих
    -Оны тэргүүний багш, цэцэрлэг  шалгаруулах журмыг өөрчлөх

2.      Сургуулийн өмнөх боловсролын орчин чиглэлээр:

Барилга байгууламж, дотоод гадаад орчин

    -Хүүхдийн бүх талын хөгжил, тэдний эрүүл аюулгүй байдлыг хангасан барилга байгууламж, сургалтын гадаад, дотоод орчны стандартыг боловсруулж мөрдүүлэх, энэ ажилд мэргэшсэн баг байгуулж ажиллуулах
    -Цэцэрлэгийн барилгын зураг төслийг боловсруулахдаа орон нутаг, мэргэжлийн урьдчилан хүмүүсээс санал авч тусгадаг байх
    -Барилга байгууламжийн зураг төсөлд хүүхдийн хөгжмийн болон биеийн тамирын танхим, хоолны өрөө, унтлагын өрөө, багш ажилчдын өрөөг заавал  тусгаж байх
    -Одоо барьж байгаа  цэцэрлэгүүдийн хүчин чадлыг нэмэгдүүлэх
    -Барилга барих газрыг нийслэл, аймгийн төвүүдэд бодлогоор олгож байх
    -Баг бүрт гэр цэцэрлэгийн үйлчилгээг бий болгож хичээлийн жилийн бүрэн хугацаанд ажиллуулах, гэр цэцэрлэгийг цахилгаан үүсгүүр, хоол хүнс, сургалтын тоног төхөөрөмж хээрглэгдэхүүнтэй иж бүрэн байдлаар ажиллуулах
    -Ашиглалтад орсон шинэ байрилгуудын чанарт үнэлгээ хийж үр дүнг дахин төлөвлөлтөд тусгах

Тоглоом наадгай тоног төхөөрөмжөөр хангах

  -Хүүхдийн хөгжил, цэцэрлэгийн анги бүлгийн хэрэгцээнд нийцсэн тоглоом, сургалтын хэрэглэгдэхүүнийг нийлүүлдэг байх
    -Төсөл хөтөлбөрөөс хангаж буй тоглоом, хэрэглэгдэхүүний чанарыг анхаарах
    -Цэцэрлэгүүдийг  ор, сандал ширээ, хувцасны шүүгээгээр бүрэн хангах
    -Хүүхдийн тоглоом, хэрэглэгдэхүүнийг танилцуулах дотоодын үзэсгэлэн зохион байгуулах
    -Гал тогооны тоног төхөөрөмжийн судалгаа гаргаж цэцэрлэг бүрийг шаардлагатай зүйлсээр бүрэн хангах

Хөрөнгө оруулалт, төсвийн  төлөвлөлт

    -Тоглоом, тоног төхөөрөмжийн хангалтын давтамж, хөрөнгө оруулалтын хэмжээг нэмэгдүүлэх
   -Цэцэрлэгийн тоогоор бус анги  бүлэг бүрийн тоогоор тоглоом наадгай, сургалтын хэрэглэгдэхүүн, тоног төхөөрөмжөөр хангах төлөвлөлтийг хэрэгжүүлэх
    -Хичээл практикийн зардлыг цэцэрлэгийн хүчин чадал, багшийн тоонд нийцүүлэн төсөвт тусгаж байх
    -Барилгын хүчин чадлыг нэмэгдүүлж тооцсон төлөвлөлт хийх
    -БШУЯ өөрийн тоглоом, сургалтын хэрэглэгдэхүүний үйлдвэр, хангамжийн нэгжтэй байх, энэ талын жижиг, дунд үйлдвэрлэлийг дэмжих
    -Барилга, хөрөнгө оруулалтын бодлого, төлөвлөгөө боловсруулж, жил бүрийн төсөвт үе шаттай тусгаж байх


3.      Сургуулийн өмнөх боловсролын сургалтын агуулга, арга зүй, үнэлгээний  чиглэлээр:
СӨБ-ын сургалтын бодлого шинэчлэх

   -Цэцэрлэгийн сургалт хүмүүжлийн үйл ажиллагааг сургуульчилсан хандлагаас илүүтэй хүүхдийн гарвал хөгжлийн хэрэгцээнд суурилсан сургалтын арга зүй, үнэлгээний шинэчлэл хийх
    -Сургуулийн өмнөх боловсролын үзэл баримтлалыг "монгол хүүхдийн хөгжил" боловсруулах
    Х-үүхэд бүрийн хөгжлийг дэмжих зарчимд суурилсан сургалтын хөтөлбөр боловсруулах, хэрэгжүүлэх, үнэлэх  цэцэрлэг, багшийн чадавхийг дээшлүүлэх
   - Нэг бүлэгт байх хүүхдийн тоог бууруулах, багшийн ажиллах орчныг тохижуулах
    -Цэцэрлэг бүр өөрийн сургалтын хөтөлбөр хөгжүүлэх, хөтөлбөртэйгээ уялдуулан өдрийн дэглэм, сургалтын орчингоо  бүрдүүлж уян хатан ажиллах бололцоог нээх


Сургуулийн өмнөх боловсролын үнэлгээг шинэчлэх

    -Хүүхдийн хөгжлийг үнэлэх үнэлгээний арга зүйг хөгжүүлэх энэ талын оновчтой арга зүйн загвар боловсруулж турших
    -Хүүхдийн сургуульд бэлэн байдлыг үнэлэх хөгжлийн үнэлгээний чадавхийг цэцэрлэг, багшийн түвшинд бий болгох, энэ талын арга зүйн туслалцааг тэдэнд үзүүлэх.