Эрүүл мэндийн салбарт шил шилээ даран гарсан эмгэнэлт хэргүүдийг  тоочоод барахгүй олон. Тиймээс ч иргэд Луу жилийн хамгийн барцадтай салбараар эрүүл мэндийн салбарыг тодорхойлоод байсан. Гэхдээ эмчийн буруугаас болж тийм хэрэг гарлаа гээд дурьдаад өнгөрөхдөө гол нь биш.  Гагцхүү анхааруулга гэдэг зүйл ард иргэдэд маань ч эмч, эмнэлэгийн ажилтануудад ч хэрэгтэй байгаа юм. Болсон аймшигт хэргүүдийг сонсоод өнгөрөх бус дахин давтагдахгүй байхад анхаарч, хянамгай байх нь хэн хэнд нь чухал болчихоод байгаа билээ.

2013 он гараад хоёр сар, XVII жарны "Тийн ялгуусан" хэмээх усан могой жил гараад сар ч хүрэхгүй хугацаа өнгөрчээ. Гэтэл энэ богинохон хугацаанд эмч, эмнэлгийн ажилчдын хайнга, хэнэггүй байдлаас болж дахиад л хэд хэдэн хүүхэд, эмчлүүлэгчид хохирсон. Тиймээс энэ жил эмнэлэгийн ажилчдын буруугаас болж хүмүүс хохирч үлдэх тохиолдол өмнөх жилээсээ буурахгүй бол яах вэ?. Сэрэмжлүүлэг, анхааруулга ямагт хэрэгтэй. Он гарснаас хойш төрөөд сувилагчийн “гарт” түлэгдсэн нярай охин, намын харъяаллаас болж сумын эмчид үзүүлэх эрхээ хасуулж хорвоог орхисон сар гаруйхантай нярайд тохиолдсон эмгэнэлт явдал мөн буруу онош тавьснаас болж 4 настай охин өөрийн биед ахтахаар өвдөлтийн зовлонг амсаж байна гэх мэт эмч нарын буруутай үйлдлүүд олонд ил болсон. Дээрх хэргүүд дор бүрнээ шүүх, хуулийн байгууллагын шатанд шалгагдаж яваа. Зөвхөн ганц хоёрхон жишээ дурьдахад л, гурван хүүхдийн ээж, цэл залуухан эмэгтэй “үхлийн ирмэг дээр” ирчихээд байгаа. Хэдэн жилийн өмнө болсон хэрэг одоо л илчлэгдэж байгаа нь энэ.
    Хоёр метр орчим урттай марль жил гаруй хэвлийдээ “тээсэн” эмэгтэйн гэдэс үрэвсэж, ялзарсан.Тодруулбал, 2011 оны гуравдугаар сард Хонгорзул гуравдугаар төрөх эмнэлэгт гурав дахь хүүхдээ хийсвэр хийлгэн төрүүлсэн байна. Гэвч энэ хагалгааны үеэр мэргэжлийн ур чадваргүй эмч, эмнэлгийн ажилтнууд хариуцлагагүй ажиллаж, хэрэглэж байсан марлиа хэвлийд нь хийгээд оёчихсон байгаа юм. Тухайн үед гэдэс нь дүүрэх, өндөр халуурах зэргээр Хонгорзулын биеийн байдал муудаж арав гаруй хоног хэвтэн эмчлүүлсэн ч зөвлөх эмч нь үзээд эмнэлгээс гаргасан аж.

Үүнээс хойш эмэгтэйн бие муудаж, холбогдох эмнэлгүүдийг дамжин үзүүлсэн ч онош нь тогтоогдохгүй хугацаа алдаж, улмаар хэдэн сарын өмнө Цэргийн госпиталийн эмнэлэгт хагалгаа хийж гэдсэн дэх марлийг нь авсан байна. Харамсалтай нь жил орчим хэвлийдээ муудсан марльтай явсан учраас түүний гэдэс дотор ялзарч ихэнх хэсгийг нь тайрч авахаас аргагүй  болтлоо үрэвссэн байж.
Үүнээс хойш эмэгтэйн бие муудаж, холбогдох эмнэлгүүдийг дамжин үзүүлсэн ч онош нь тогтоогдохгүй хугацаа алдаж, улмаар хэдэн сарын өмнө Цэргийн госпиталийн эмнэлэгт хагалгаа хийж гэдсэн дэх марлийг нь авсан байна. Харамсалтай нь жил орчим хэвлийдээ муудсан марльтай явсан учраас түүний гэдэс дотор ялзарч ихэнх хэсгийг нь тайрч авахаас аргагүй  болтлоо үрэвссэн байжээ.

Уншигч таны харж байгаа охин бол дөрвөн настай Буяндэлгэрийн Эрдэнэцэцэг. Хорвоод мэндлээд амьдрахыг хүссэн энэ бяцхан охинд нэг л өдөр аймшигт өвчин гэнэт ирж, хоёр цагийн дотор биеэр нь гэнэт улаан товруу туурч, 103 ирэхэд битүү улаан биетэй болсон байжээ. Ийнхүү түргэний эмч нар Эх, хүүхдийн эрүүл мэндийн үндэсний төвд охиныг аваачихад “хүндэрсэн байна” гэх шалтгаанаар хүлээж аваагүй, үүрийн 06 цаг орчимд Халдварт өвчин судлалын үндэсний төвд очиход “Цахилгаан менингит” гэсэн онош тавьж хэвтүүлэн эмчилж эхэлжээ. Халдвартын эмнэлгийн сэхээний тасагт охиныг 19 хоног Энхжаргал гэх эмч цахилгаан менингитийн эсрэг эмчилгээ хийжээ. Энэ онош нь анхнаасаа буруу тогтоогдсон байсан бөгөөд цахилгаан менингит биш байна гэж Халдвартын эмнэлгийн бас нэгэн өөр тасагт шилжүүлжээ. Ийнхүү буруу оношилж, буруу эмчилгээ хийсний дараа Халдвартын эмнэлгийнхэн Эх, хүүхдийн эрүүл мэндийн үндэсний төвд хандаж тус эмнэлэгт шилжүүлэх хүсэлт тавьсан ч Эрдэнэцэцэг охиныг хүлээж авах боломжгүй гэсэн хариу өгчээ. Ингээд Гэмтэл, согог судлалын үндэсний төвд эмчлүүлж байгаа юм.
Өнөөдрийн байдлаар дөрвөн эмчийн гар дамжаад байгаа охин нянгийн үрэвслийн цусанд орсон севсис гэсэн оноштой эмчлүүлж, үр дүн гарахгүй, арьсаар нь биеийг нөхөх хагалгаанд одоогийн байдлаар гурван удаа ороод байгаа аж. Мөн охины өвдөгний тойгийг хайчилж авсан учраас цаашдаа эрүүл боллоо ч хөлтэй үлдэнэ гэсэн баталгаа байхгүй гэж ойлгож болно.

   Тэгвэл хамгийн сүүлд л гэхэд Т.Энхсаран охин баруун хөл нь өвдөж үл ялиг доголоод Эх Хүүхдийн Эрүүл Мэндийн Үндэсний Төв (ЭХЭМҮТ)-д үзүүлж биопси шинжилгээ хийлгэн, ясны үрэвсэл гэж оношлогдсон байгаа юм. Түүний цээжний болон бага аарцгийн хөндийд үсэрхийлэл өгсөн байгаа тул ЭХЭМҮТ-д хагалгаа хийх боломжгүй гээд Хавдар Судлалын Үндэсний Төв (ХСҮТ)-д шилжхэд, эмч нар нь Лимфо-Саркома Генерелизацая Форма гэсэн хорт хавдар гэж нарийн оношлосон болов ч, уг өвчнийг Монгол-д эмчилж чадахгүй тул өндөр хөгжилтэй оронд эмчлүүлэх шаардлагатай гэжээ.  Энхсаран 12 сараас хойш 3 удаа шинжилгээний хагалгаанд  орсон боловч эмчлэгч эмчийн буруугаас болж онош нь тодрохгүй удсан юм. Одоо тэрээр монголдоо эмчлүүлж чадахгүйд хүрсэн. Энэ мэт олон эмгэнэлт зүйлүүд хэдэн жилийн өмнө тохиолдсон ч эцэг, эх нь эмч нарын бурууг илчилж чадахгүй явсаар эцсийн шатандаа хүрэхээрээ дуугарч байна.

Ямартай ч Эрүүл мэндийн салбарт ажиллаж байгаа эмч, эмнэлгийн ажилчид маань дор бүрнээ хариуцлагатай байж, алдаа гаргахгүйн төлөө ажиллах хэрэгтэй гэдгийг ухамсарлах хэрэгтэй байгаа юм. Эрүүл мэндийн салбарынхан ажилдаа хариуцлагатай хандаасай гэдгийг энэ мэдээллээрээ хүргэж байна.