Хэдхэн хоногийн өмнө тангараг өргөсөн Өмнөд Солонгосын Ерөнхийлөгч Пак Кын Хе шинэ Ерөнхий сайдыг томилсон талаар “Yonhap” агентлаг мэдээллээ.

    Хэдхэн хоногийн өмнө тангараг өргөсөн Өмнөд Солонгосын Ерөнхийлөгч Пак Кын Хе шинэ Ерөнхий сайдыг томилсон талаар “Yonhap” агентлаг мэдээллээ.

    Мягмар гарагт Өмнөд Солонгосын Их хурал Ерөнхий сайдад нэр дэвшигчдийг батласнаар Пак кын Хе томилгоогоо хийжээ. Түүний томилгоо парламент ихэд сайшаасан байна. Ерөнхийлөгчийнхээ шийдвэрийг ихэд хүндэлж байгаа нь Пак Кын Хед парламентын зүгээс барьсан нэг ёсны албаны томоохон бэлэг боллоо хэмээн шинжээчид үзэж байна.

    Өмнөд Солонгосын шинэ Ерөнхий сайдаар Чун Хон Вон-ыг томилжээ. 68 настай Чун Хон Вон нь Пак Кын Хегийн “Сенури” намын ахмад зүтгэлтэн бөгөөд улсдаа нэр хүндтэй прокурор хүн аж. 

    Чун Хон Воныг ерөнхий сайдад нэр дэвшихийг батлахад нууц санал хураалтаар 272 хууль тогтоогч санал өгсөнөөс 197 нь зөвшөөрч, 67 нь татгалзаж, 8 хүчингүй санал гарсан байна. “Сенури” нам нь парламентад олонх буюу 300 суудлын 153-ыг авсан байна.

    Харин сайд нарын албан тушаалд нэр дэвшсэн 17 хүнийг батлахад долоо хоногийн хугацаа орно хэмээн үзэж байна. Өмнөд Солонгосын хуулиар Ерөнхийлөгч Ерөнхий сайдыг томилдог юм.