Өнөөдөр Замын цагдаагийн газраас Нийтийн тээврийн үйлчилгээ явуулдаг байгууллага, аж ахуйн нэгжийн өглөөний гаралт, тээврийн хэрэгслийн бүрэн бүтэн байдал болон жолооч нарын ажилд гарч байгаа байдлыг шалгажээ. Шалгалтаар нийтийн тээврийн жолооч нар тээврийн хэрэгслийн бичиг баримтын зөрчилтэй, техникийн бүрэн бүтэн байдал хангалтгүй, гэрэлтүүлэх хэрэгсэлүүд гэмтэлтэй тэр ч байтугай эрхээ хасуулсан хэрнээ үйлчилгээнд автобус жолоодон гарч байсан, согтууруулах ундаа хэрэглэсэн үедээ нийтийн тээврийн үйлчилгээнд гарах гэж байсан зэрэг зөрчлүүд илэрсэн байна. Мөн жолоодох эрхээ хасуулсан хэрнээ автобус жолоодоод үйлчилгээнд гарах гэж байсан, ээлжийн амралтаараа автобус компаниудын хооронд дамжин ажилладаг, ангилал ахиулах шалгалтанд орж байгаа нэрээр ангилалгүй жодооддог, ангилал ахиулах курст сууж байгаа хэрнээ нийтийн тээврийн хэрэгсэл дээр дадлага хийдэг зэрэг ноцтой зөрчлүүд илэрсэн байна.