Жил бүрийн гуравдугаар сарын 1-нийг “Эх орончдын өдөр” болгон тэмдэглэдэг. Энэ удгаа маргааш 10:00 цагт Тусгаар тогтнолын ордны Бага танхимд “Эх орны аюулгүй байдал ба Эдийн засаг” сэдэвт эрдэм шинжилгээний бага хурал болно. Энэхүү хурлаар:

-“Эдийн засгийн аюулгүй байдал ба Монгол Улс”-УИХ гишүүн С.Бямбацогт
-“Эдийн засгийн аюулгүй байдлын тулгамдсан асуудлууд”-МУИС ЭЗС-ийн багш, доктор Ч.Хашчулуун
-“Эдийн засгийн аюулгүй байдал ба төмөр зам”-МҮАН-ын дарга, Ерөнхий сайд асан М.Энхсайхан
-“Эдийн засаг ба аюулгүй байдал ба Оюутолгой”-УИХ дахь МАН-ын бүлгийн ажлын албаны дарга Д.Батбаатар нар илтгэл тавина.
Мөн 13:00 цагт Жанжин Д.Сүхбаатарын хөшөөнд цэцэг өргөж, Чингисийн хөшөөнд хүндэтгэл үзүүлнэ. Түүнчлэн 14:00 цагт “Эх орончдын өдөр”-т зориулсан үндэсний бөхийн барилдаан Монгол бөхийн өргөөнөө болно.