”Пума империал” зочид буудалд 10.00 цагаас ”Цөмийн технологийн хэрэглээ өнөө ба ирээдүй” сэдэвт сургалт эхэлнэ.

Цэнгэг усны төвд 10.00-12.00 цагт Бурхан Халдун уулын хамгаалалтыг бэхжүүлэх талаар зөвлөлдөх уулзалт болно.

Судан улсад явагдаж буй НҮБ-ын мандаттай энхийг сахиулах ажиллагаанд үүрэг гүйцэтгэх II ээлжийн мотобуудлагын батальоны бие бүрэлдэхүүний Жанжин туганд хүндэтгэл үзүүлэх ёслол 11.00 цагт ЗХЖШ-ын жагсаалын талбайд болно.

Өнөөдөр олон улсын иргэний хамгаалалтын өдөр. Дэлхий даяар энэ өдрийг “Иргэний нийгмийн бэлэн байдлыг хангаж гамшгийн эрсдэлээс иргэдээ хамгаалъя” уриан дор тэмдэглэнэ.

Өнөөдөр 10.00 цагаас Сэргээн засалтын үндэсний төвд Хүний хөгжил, нийгмийн хамгааллын сайд С.Эрдэнэ аппарат, тоног төхөөрөмж гардуулна.

Ерөнхий сайд болон ЗГХЭГ-аас яам, агентлагийн удирдлагуудтай уулздаг ”Хариуцлага, хэрэгжилт, хяналт” цахим хурал өнөөдөр 13.30 цагт Төрийн ордны Нутгийн удирдлагын танхимд болно.

Өнөөдөр 12.00 цагт нийслэлийн гал унтраах 10 дугаар ангид олон улсын иргэний хамгаалалтын өдрийг тохиолдуулан Чингэлтэй дүүргийн онцгой байдлын хэлтсээс үзүүлэх сургуулилт зохион байгуулна.

Үндэсний мэдээллийн төвд өнөөдөр 12.00 цагаас “Хамаг Монгол” төслийн нээлтийн тоглолтын талаар мэдээлэл хийнэ.

Өнөөдөр 10.00 цагаас “Монгол Улсын эдийн засгийн салбарын боловсон хүчний чадавхийг сайжруулах” төслийн талаарх хурал ”Корпорэйт” зочид буудалд болно.

Улаанбаатар хотод бүртгэлтэй бүх төрлийн авто тээврийн болон өөрөө явагч хэрэгслийн албан татвар, агаарын бохирдлын төлбөр хураах ажлыг 3-р сарын 1-ний өдрөөс эхлүүлэх тухай захирамжийг танилцуулах хэвлэлийн хурал өнөөдөр 11.00 цагаас ”Хангарьд” ордны 14 давхарт болно.