“ЮНЕСКО ба Монгол улс” эрдэм шинжилгээний бага хурлыг өнөөдөр  "Улаанбаатар" зочид будлын Их танхимд зохион байгуулах гэж байна. Энэ үеэр 50 жилийн түүхэн гэрэл зургийн үзэсгэлэн болон ЮНЕСКО-оос шагнал хүртсэн гар урлалын батламжит бүтээгдэхүүн болох эсгий урлалын үзэсгэлэн, монгол уран бичлэгийн үзэсгэлэнг тус тус толилуулах юм. ЮНЕСКО-гийн Монголын Үндэсний комисс нь байгуулагдсан цагаасаа эхлэн олон улсын харилцаа, хамтын ажиллагааг хөгжүүлэх түүний үзэл санааг дэлгэрүүлэхэд ямагт уриалан санаачлагч, хэрэгжүүлэгч, холбогч зохицуулагч байх, төрийн бодлого чиглэлд ЮНЕСКО-гоос дэвшүүлэн тавьж буй дэлхийн нийтлэг зорилтуудыг тусгуулах зорилгоор үйл ажиллагаагаа явуулдаг.