Өнөөдөр буюу гуравдугаар сарын 1-нээс эхлэн нэгдүгээр эгнээг чөлөөлөхгүй явж байгаа жолооч нарт хариуцлага хүлээлгэж, нийтийн тээврийн хэрэгслүүд замын хөдөлгөөнд хэрхэн оролцож байгаа талаар гудамж замын хяналт шалгалт зохион байгуулах юм байна. Тодруулбал, сануулга өгөхөөс эхлээд эрхийг нь хасах, ноцтой зөрчил гаргасан тохиолдолд эрүүгийн хариуцлага хүлээлгэх хүртэл арга хэмжээ авах аж. Тэр дундаа осол гаргах болсон том оврын автобусуудад онцгой хяналт тогтоохоор болжээ. Энэ төрлийн зөрчил гаргаж буй жолоочийн тээврийн хэрэгслийн зурган мэдээллийг Paparazzi traffic гэсэн facebook группын хаягаар ирүүлбэл цагдаагийн байгууллагаас тухайн жолоочид хариуцлага хүлээлгэн эргэж мэдэгдэх аж. Түүнчлэн Улаанбаатар хотод бүртгэлтэй бүх төрлийн авто тээврийн болон өөрөө явагч хэрэгслийн албан татвар, агаарын бохирдлын төлбөр хураах ажлыг 3-р сарын 1-ний өдрөөс эхлүүлэх тухай захирамжийг танилцуулах хэвлэлийн хурал өнөөдөр 11.00 цагаас ”Хангарьд” ордны 14 давхарт болно.