УИХ-ын Нийгмийн бодлого, соёл, шинжлэх ухааны байнгын хороо өчигдөр музейн эд зүйлсийн хулгайн асуудлаар ярилцлаа. “Төрөөс баримтлах соёлын бодлогыг шинэчлэн батлах” асуудлыг хэлэлцсэн энэ хурал дээр салбарын сайд Ё.Отгонбаяр хэлэхдээ “Музейн ховор эд зүйл солигдсон баримтууд олноор илэрч буй учраас музейд байгаа бүх ховор, үнэт эд зүйлсийн зургийг аваад электрон каталогтой болголоо. Хэвлэмэл каталог ч хийхээр төлөвлөөд байна” гэсэн юм. Үүнтэй холбогдуулж З.Алтай гишүүн сайдад санал тавихдаа “Хулгайгаар хил давсан зүйлсийг эх орондоо худалдан авчирч буй хувь хүмүүст  гаалийн өндөр татвар тавьдагийг болиулмаар байна” гэв. Сайд ч үүнийг анхаарна гэдгээ хэлж байв. Улмаар гишүүд соёлын бодлогыг шинэчлэх төслийг нэгдсэн чуулганд хэлэлцэх нь зүйтэй гэж үзсэн байна.

   Манай улсын соёлын бодлогыг 1996 онд УИХ-аар баталжээ. Өнөөдрийн байдлаар мэргэжлийн урлагийн 36 байгууллага, улсын болон орон нутаг, салбарын нийт 48 музей, сум, дүүргийн 340 соёлын төв, бүх төрлийн 1500 орчим номын сан, 130 гаруй хувийн хэвшлийн хэвлэх үйлдвэр, хэвлэлийн газар, соёл урлагийн чиглэлийн төрийн бус байгууллага, тэдгээрт ажилладаг 7000 гаруй ажилтан, албан хаагч бий гэсэн тооцоо гарчээ.

Б.Ганбилэг

   УИХ-ын Нийгмийн бодлого, соёл, шинжлэх ухааны байнгын хороо өчигдөр музейн эд зүйлсийн хулгайн асуудлаар ярилцлаа. “Төрөөс баримтлах соёлын бодлогыг шинэчлэн батлах” асуудлыг хэлэлцсэн энэ хурал дээр салбарын сайд Ё.Отгонбаяр хэлэхдээ “Музейн ховор эд зүйл солигдсон баримтууд олноор илэрч буй учраас музейд байгаа бүх ховор, үнэт эд зүйлсийн зургийг аваад электрон каталогтой болголоо. Хэвлэмэл каталог ч хийхээр төлөвлөөд байна” гэсэн юм. Үүнтэй холбогдуулж З.Алтай гишүүн сайдад санал тавихдаа “Хулгайгаар хил давсан зүйлсийг эх орондоо худалдан авчирч буй хувь хүмүүст  гаалийн өндөр татвар тавьдагийг болиулмаар байна” гэв. Сайд ч үүнийг анхаарна гэдгээ хэлж байв. Улмаар гишүүд соёлын бодлогыг шинэчлэх төслийг нэгдсэн чуулганд хэлэлцэх нь зүйтэй гэж үзсэн байна.

   Манай улсын соёлын бодлогыг 1996 онд УИХ-аар баталжээ. Өнөөдрийн байдлаар мэргэжлийн урлагийн 36 байгууллага, улсын болон орон нутаг, салбарын нийт 48 музей, сум, дүүргийн 340 соёлын төв, бүх төрлийн 1500 орчим номын сан, 130 гаруй хувийн хэвшлийн хэвлэх үйлдвэр, хэвлэлийн газар, соёл урлагийн чиглэлийн төрийн бус байгууллага, тэдгээрт ажилладаг 7000 гаруй ажилтан, албан хаагч бий гэсэн тооцоо гарчээ.

Б.Ганбилэг