"Харанга" хамтлагийн дуучин Х.Лхагвасүрэн, Хар сарнай хамтлагийн дуучин С.Амармандах, "Номинталст" хамтлагийн дуучин Т.Дэлгэрмөрөн нарын хамтран гаргасан "МӨНХ ХӨХ ТЭНГЭР" цомгийн нээлт 15-ны өдөр I loft function house-т болох гэж байна. Харин "Андгай" баярын тоглолтоо энэ сарын 18-ны өдөр Улаанбаатар ресторанд 19:00 цагаас VIP хэлбэрээр тоглоно. Баярын тоглолтонд гурван дуучин цомогт орсон дуунуудаа хамтран дуулахаас гадна өөрсдийн хит уран бүтээлүүдээ үзэгчиддээ хүргэх аж.

"МӨНХ ХӨХ ТЭНГЭР" цомгийн ажилд МУАЖ, Төрийн хошой соёрхолт хөгжмийн зохиолч Н.Жанцанноров, МУУГЗ, Төрийн соёрхолт Б.Шарав, МУСГЗ Л.Балхжав, МУУГЗ, хөгжмийн зохиолч Б.Бямбабаяр, МУ-ын Ардын уран зохиолч Б.Лхагвасүрэн, МУСГЗ, сэтгүүлч яруу найрагч Ш.Гүрбазар, Болор цомын эзэн яруу найрагч Ш.Лхамноржмаа нарын монголын яруу найраг, хөгжмийн салбарын урдаа барьдаг, алдартай уран бүтээлчидтэй хамтран ажиллажээ.

 Мөн Эзэн Богд Чингис хааны “Алд бие минь алжааваас алжаатугай, Ахуй төр минь бүү алдартугай” гэсэн сургаал анх удаа дуу болон тус цомогт оржээ.