Сүүлийн үед согтуугаар тээврийн хэрэгсэл жолоодох явдал ихсэж байгаатай холбоотойгоор ноцтой хэрэг, осол гарч байна. Энэ юутай холбоотой вэ гэвэл
1.Хувь хүний ухамсар
2.Цаг агаарын нөхцөл байдал дулаарч байгаатай холбоотойгоор хамт олноороо архидан согтуурах
3.Баяр ёслол гэлтгүй архидах явдал ихсэж байна.
4. Архи согтууруулах ундааны зүйл хэрэглэсэн жолооч нарт хүлээлгэх хариуцлага сул байгаагаас иргэд үл тоомсорлох явдал бий болж байна.

Урьд шөнийн байдлаар гэхэд согтуугаар тээврийн хэрэгсэл жолоодож явсан 73 жолоочийг саатуулсан байна. Согтууруулах ундааны зүйл хэрэглэсэн үедээ замын хөдөлгөөнд оролцсон 5 зөрчил байгаагаас явган зорчигч 1, жолооч 4 бүртгэгдсэн байна.  Тухайлбал:

БГД-ийн нутаг Өргөө кино театрын хойд гэр хорооллын замд Toyota Sprinter /14-07 УБЧ/ автомашины жолооч Б.Батбямба гэгч нь согтууруулах ундаа хэрэглсэн үедээ тээврийн хэрэгсэл жолоодож яваад  Toyota Sprinter /52-31 УНР/ А.Төгсжаргалын автомашинтай мөргөлдсөн байна. Азаар хүний амь эрсдээгүй өнгөрчээ.

    Өнгөрөгч 2012 онд согтууруулах ундааны зүйл хэрэглэсэн үедээ тээврийн хэрэгсэл жолоодож яваад Замын цагдаагийн алба хаагчидад 33184 жолооч журамлагдаж тээврийн хэрэгсэл жолоодох эрхээ 6 сараас 2 жилийн хугацаагаар хасуулсан ба шүүхийн шийдвэрээр 8864 жолооч  давтан буюу тээврийн хэрэгсэл жолоодох эрхгүй үедээ журамлагдан 7-30 хоног баривчлагдсан байна.