Монголын төдийгүй дэлхийн олон орны алтан тайзнаа өөрийн авъяас билгээрээ од болон гялалзаж яваа “Sweetymotion” хамтлагийн продюсер, төгөлдөр хуурч, хөгжмийн зохиолч, дуучин Б.Чинбат өнгөрсөн 11 дүгээр сард  “Sweetymotion” хамтлагийн 15-н жилийн ойн тоглолтонд оролцож дуусаад АНУ-ыг зорьсон. АНУ-ын хөгжмийн зохиолчдын холбооны хүндэт гишүүн тэрээр тус холбооноос тогтмол зохион байгуулдаг европын орнуудаар аялан тоглох хуваарьт тоглолтуудад оролцож яваад өнгөрсөн 7 хоногт эх орондоо иржээ. Ирээд удаагүй байгаа ч уран бүтээлийн ажилдаа хэдийнэ орсон бөгөөд ирэх долоо хоногт болох "Домог" хамтлагийн морин хуурч МУСТА "Д.Шинэцог-Гени"-ийн "Өнөмөнхлэй" хэмээх хуурын аялгуунуудаас бүрдсэн шинэ цомгийн нээлтийн баярт уригдан оролцохоор болжээ.