Нөөцийн махыг  энэ  сарын 06-ны өдрөөс борлуулж эхэлсэн билээ.  Өнөөдрийн байдлаар дүүргүүдээс баталж өгсөн 350 орчим дэлгүүрээс 210 дэлгүүртэй гэрээ байгуулаад байгаа аж. Эдгээрээс есөн дүүргийн 106 цэгээр борлуулалтыг хийж эхлээд байна.  Нөөцийн махыг дэлгүүрүүдийн хүссэн хэмжээгээр нийлүүлж буй бөгөөд өнөөдрийн байдлаар үхрийн мах 12.3тн, ямааны мах 4.2тн, хонины мах 11.9тн буюу нийт 28.4тн махыг борлуулалтанд гаргаад байна.
Борлуулалтыг өнгөрсөн жилүүдэд мөрдөгдөж байсан стандартын дагуу 2-3 кг-аар жижиглэж савласан байдлаар, 1кг үхрийн махыг 5950 төгрөгөөр, ямааны махыг 4850 төгрөгөөр, хонины махыг 5750 төгрөгөөр тус тус борлуулж байна.