Ñүхбаатар аймгийн Бичигтийн боомтоор дамжуулан Ази Европыг  холбосон төмөр замын сүлжээ бий болгож улмаар Монгол Улс  далайд гарах  хамгийн дөт замыг  барьж байгуулах ажлын хүрээнд тав дахь удаагийн  уулзалт хуралдааныг  ирэх сард  Улаанбаатар хотноо зохион байгуулахаар болсон байна. 

    Сангийн сайд Ч.Улаанаар  ахлуулсан Зам тээвэр, Эдийн засгийн яамны төлөөлөл, УИХ-ын гишүүн М.Зоригт, Сүхбаатар аймгийн Засаг дарга Ж.Батсуурь нар БНХАУ-ын ӨМӨЗО-ы Шилийн гол  аймагт ажиллаж, Хятадын талын холбогдох албаны хүмүүстэй уулзан тус тохиролцоонд хүрч хуралдааны бэлтгэл ажлыг хангах ажлын хэсэг томилж ажиллуулахаар  болжээ.