Нутаг нэгтнээ бүлэглэн хүчирхийлээд худалдаалсан хэргийг давтан үйлдсэн Б.Тэгшбаяр нарын долоон хүнийг өнөөдөр Баянгол дүүргийн шүүхийн Эрүүгийн танхимд 10.00 цагаас шүүнэ. Нийслэлийн прокурорын газраас тэднийг Эрүүгийн хуулийн тусгай ангийн 113.2.1, 126.2.3-т зааснаар буруутган, яллах дүгнэлт үйлдсэн билээ.
    Нутаг нэгтнээ бүлэглэн хүчирхийлээд худалдаалсан хэргийг давтан үйлдсэн Б.Тэгшбаяр нарын долоон хүнийг өнөөдөр Баянгол дүүргийн шүүхийн Эрүүгийн танхимд 10.00 цагаас шүүнэ. Нийслэлийн прокурорын газраас тэднийг Эрүүгийн хуулийн тусгай ангийн 113.2.1, 126.2.3-т зааснаар буруутган, яллах дүгнэлт үйлдсэн билээ. Хуралд шүүгчээр О.Жанчивнямбуу, А.Алтанхуяг, М.Нармандах, улсын яллагчаар Нийслэлийн прокурорын газрын хяналтын прокурор Ц.Уртнасан, өмгөөлөгчөөр А.Ганбат, А.Гантуяа, Б.Тэнгис, Д.Гантөмөр, Г.Тунгалаг нар оролцоно.
    113.2.1-т хүнийг мөлжих зорилгоор хүч хэрэглэх, хүч хэрэглэхээр заналхийлэх, хулгайлах, залилах, хууран мэхлэх, эрх мэдлээ урвуулан ашиглах, эмзэг байдлыг нь далимдуулах, эсхүл хүчирхийллийн бусад хэлбэрийг ашиглах, түүнчлэн өөр хүнийг эрхшээлдээ байлгаж буй этгээдийн зөвшөөрлийг авахын тулд төлбөр төлөх, ашиг олгон хахуульдах аргаар хүнийг хүн худалдаалах гэмт үйлдэлд элсүүлсэн, тээвэрлэсэн, нуун далдалсан дамжуулсан, хүлээн авсан хэргийг давтан үйлдсэн бол эд хөрөнгийг хурааж, гурваас таван жил хүртэл хугацаагаар хорих ял шийтгэнэ.
    126.2.3-т хохирогчид хүч хэрэглэж буюу хүч хэрэглэхээр заналхийлэх, эсхүл бусдын биеэ хамгаалж чадахгүй байдлыг далимдуулан хурьцал үйлдсэн хэргийг давтан үйлдсэн бол таван жил хүртэл хугацаагаар хорих ял шийтгэнэ хэмээн заажээ.