Тувагийн тэргүүн Шолбан Кара өнөөдөр тайгад цасан нурангид дарагдсан хүүхдүүдийн цогцсыг олсон “MI-8” нисдэг тэрэгний багийг шагнаж, медаль, сертификат олгожээ. Учир нь хайгуулын багийнхан нурангид дарагдагсдыг олохын тулд налуу, уулархаг газарт маш аюултай нөхцөлд газардсан байна.

    Тувагийн тэргүүн Шолбан Кара өнөөдөр тайгад цасан нурангид дарагдсан хүүхдүүдийн цогцсыг олсон “MI-8” нисдэг тэрэгний багийг шагнаж, медаль, сертификат олгожээ. Учир нь хайгуулын багийнхан нурангид дарагдагсдыг олохын тулд налуу, уулархаг газарт маш аюултай нөхцөлд газардсан байна.

Энэ сарын гуравны өдөр Монголын хилийн ойролцоох Мөнгөн Тайга аймгийн Ак Баштыг буюу Цагаан толгой ууланд гарч овоонд хадаг өргөөд бууж явсан ахлах ангийн сурагчид цасан нурангид дарагдан сураггүй болжээ. Кикбоксинг, бөхөөр хичээллэдэг тамирчин хүүхдүүд Оросын аварага шалгаруулах тэмцээнд явахынхаа өмнө заншил ёсоор амжилтаа даатган оргилд гарчээ. Гэвч энэ удаа тэд урьдынх шигээ зам дагаж явган буусангүй, цанаар уруудахаар шийдсэн нь хамгийн аймшигтай алдаа байлаа. 

17 настай, Европын кикбоксингийн аварга Антон Салчак цанаар уруудах зууртаа хувцасныхаа цасыг унагахаар түр зогсчээ. Хэдхэн секундын дараа тэрээр чулуу, шавартай зууралдсан асар том цасан далай найзуудыг нь хаман одохыг харжээ. Антон өөрөө хадны ирмэгээс зуурч арайхийн амь гарсан байна. Гүн цочролд орсон жаал Биче-оол Адар-оол хэмээх малчны хотонд алхаж очоод энэ тухай анх хэл дуулгажээ.

Тамирчин жаалуудын цогцсыг олох  найдвар тун бага байсан юм.