“Шри шри амьдрах ухаан” бясалгалын төвийн тэргүүн Ц.Саранцэцэгийг цагаан хоол идсэнээс болж уургийн дуатагдалд орж нас барсан, үүнийг ойр дотныхон нь нууж байна гэх мэдээлэл гадуур цацагдсан. Энэ мэдээллийн манай сайт тодруулга хийсэн юм. Тэрээр амьд бөгөөд ийнхүү ярьж байна.
     "Энэ яриаг сонссон. Тэгээд чухам яагаад ийм цуу тархав гэж асууж сурагласан. Гэтэл агаараар хооллогч буюу хоолгүйгээр амьдарч бясалгал хийдэг хүмүүсийн дотор миний нэртэй адилхан хүн өнгөрсөн юм билээ. Тэр хүн шүд нь унаад, нүүр, бие нь харлаад, эмнэлгийн тусламж авч чадалгүйгээр нас барсан гэсэн. Ер нь хүн бясалгал буруу хийвэл амь настай шууд холбоотой. Тэгээд ч миний уургийн хэмжээ байх ёстой хэмжээндээ байгаа" хэмээн Ц.Саранцэцэг ярилаа. Сонирхуулахад, Ц.Саранцэцэг багшийн бясалгалын сургалт энэ сарын 26-28 хүртэл үргэлжлэх юм байна. Харин энэ сарын 29-нд үндсэн курс нь хичээллэх аж.