Өнөөдөр Ерөнхийлөгч Ц.Элбэгдорж улс орондоо ихийг хийж бүтээсэн зарим хүнийг өнөөдөр төрийн одон медалиар шагналаа.  МУИС-ийн НШУС-ийн Сэтгүүл зүйн тэнхимийн багш, доктор, профессор Л.Норовсүрэн Соёлын гавьяат,  хүртсэн бол Хэвлэлийн хүрээлэнгийн багш Н.Даариймаа, сэтгүүлч Б.Монголхүү, МҮОНРТ-ийн зураач Т.Гоош нар  Урлагийн гавьяат зүтгэлтэн боллоо. Мөн Монгол Улсын Төрийн соёрхолт, хүний гавьяат эмч, доктор, профессор А.Нота Ардын эмч цолоор, МҮОНРТ-ийн Кино албаны дуу оруулагч Ж.Дарамсүрэн гавьяат жүжигчин цолоор, "Өдрийн сонин”-ы ерөнхий эрхлэгчийн зөвлөх Ж.Гангаа Хөдөлмөрийн гавьяаны улаан тугийн одонгоор, Элчин сайд асан Ж.Султан Сүхбаатарын одонгоор тус шагнууллаа.

   Шагнал гардуулах үеэр Ерөнхийлөгч Ц.Элбэгдорж МҮОНРТ-ийн Кино албаны дуу оруулагч Ж.Дарамсүрэнгийн кино урлагт оруулсан гаьяаг нь үнэлж, онцолсон юм. Ж.Дарамсүрэн:

-  Би үүлэн дээр хөвж байгаа юм шиг л баяртай байна. Би кино урлаг, телевизийн урлагт 35 жил улсдаа 51 жил хөдөлмөрлөсний шим боллоо. Ерөнхийлөгч миний ажлыг, уран бүтээлийг  онцолж ярьсанд баяртай байна. Би бас нэлээн ажил хийжээ.
   Цагаан сараар миний 93 настай ээжид Ерөнхийлөгчийн гарын бэлэг очиж их баярлаж байсан. Дараа нь хүү нь Монгол Улсын урлагийн гавьяат зүтгэлтэн цол авлаа Одоо очиж ээжийгээ баярлуулна.  Монгол кино үйлдвэр, МҮОНТ-ын Уран бүтээлийн тавдугаар нэгдэл, захиргааны хамт олондоо баярлалаа.  Мөн олон хүүхдийг минь төрүүлж, ар талыг минь дааж явсан хайртай ханьдаа маш  их баярлалаа, ээждээ, хамт олондоо баярлалаа гэв.