“Эерэгээр Амьдарцгаая” уриан дор эрүүл идэвхтэй амьдралын хэв маягийг хүүхэд залуучуудад хэвшил болгох зорилгоор “СПРАЙТ” сагсанбөмбөгийн Хөгжлийн болон Супер лигийн тэмцээнийг бүтэн жилийн туршид 5000 гаруй сагсан бөмбөг сонирхогч залуусын дунд зохион байгуулсан. Тэгвэл Спрайт Супер Лигийн “БҮХ ОДДЫН” тоглолт маргааш Буянт-Ухаа ордонд “SPRITE ALL STAR ULAANBAATAR 2013” нэртэйгээр зохион байгуулагдах гэж байна. Бүх Оддын тоглолтын "SLAM DUNK” шоу үзүүлбэрт МҮСБХолбооны Үндэсний Супер Лигийн Легионер тамирчид оролцох ажээ.

Энэ жилийн Спрайт Хөгжлийн Лигт 48 эрэгтэй баг өрсөлдсөнөөс 4 баг эрхээ авсан бөгөөд 2012 оны Супер лигийн шилдэг 16 багтай нийлээд 2013 оны Спрайт Супер Лиг-д нийт 20 баг өрсөлдөхөөр болсон байна.
Мөн тоглолтын үеэр ур чадвар тэмцээн болон 3 онооны шидэлтээр шилдэг тамирчид өрсөлдөх бөгөөд рэппэр Rokit Bay, амьд хөжгмийн UFO, Green mask хамтлагууд ирж ая дуугаа өргөх юм байна.