Олимпийн таеквондогийн 20 дахь удаагийн улсын аварга шалгаруулах тэмцээн 2013 оны 3-р сарын 25.26.27-ны өдрүүдэд Спортын төв ордны “А” зааланд зохион явагдаж дүнгээ гаргалаа. Энэ удаагийн тэмцээнд Хот,хөдөөгийн 31 байгууллагын эрэгтэй 219, эмэгтэй 96, нийт 315 тамирчин оролцож эрэгтэйчүүд 50.54.63.68.74.80: нийт 7 жинд, эмэгтэйчүүд 46.49.51.59.64 нийт 6 жинд тус тус хурд,хүч,авхаалж самбаагаа сорин өрсөлдлөө.
 Энэ тэмцээнд хөдөө орон нутаг Дорнод,Сэлэнгэ,Булган,Төв,Орхон,Дархан, Өвөрхангай, Говь-Алтай, Ховд, Завхан, Говь-Сүмбэр, Хөвсгөл, Дорноговь, Зүүнхараа, Хөтөл, Багануур, Налайх зэрэг аймаг хотуудаас хүрэлцэн ирсэн баг тамирчдын спортын ур чадвар УБ хотын клубуудын баг, тамирчдынхтай адил тэнцүү түвшинд байж өрсөлдөж байгаа нь тэмцээнийг улам өрсөлдөөнтэй, сонирхолтой болгож байлаа. Энэхүү УАШТ-ний нэг онцлог зүйл нь гэвэл тэмцээнийг ямар нэгэн маргаан будилаангүйгээр шүүж явуулахынтулд цахим онооны системийг хэрэглэн шүүн явуулж байна. Хэрвээ ямар нэгэн маргаантай шүүлт гарвал видео бичлэг үзэж маргааныг шийдвэрлэх бүрэн боломжтой юм. 
УАШТ-нээс шалгарсан тамирчид 2013 оны 7-р сарын 4-9-ний өдрүүдэд БНСУ-ын Чуньчон хотноо зохион явагдах Кореа Опэн, мөн 7-р сарын 10-15-ны өдрүүдэд Мужу аймагт зохиогдох Таеквондо Экспо тэмцээнд болон 7-р сарын 15-21-ний өдрүүдэд Мексик улсад зохиогдох ДАШТ-д ,10-р сарын 7-9-ныий өдрүүдэд БНХАУ-ын Тяньжинь хотноо зохиогдох Зүүн Азийн наадам зэрэг олон олон спортын уралдаан тэмцээнүүдэд Монгол эх орноо төлөөлөн оролцох эрх авах юм. Монголын Олимпийн таеквондогийн холбооноос энэ онд зохион явуулах уралдаан тэмцээнүүдийн хоёр дахь нь юм.
Эхнийх нь энэ оны 1-р сард Сэлэнгэ аймгийн Сайхан  сумын Хөтөл хотноо зохиогдсон” Хөтөлийн цом” 2 дахь удаагийн  тэмцээн байлаа. Дараагийн тэмцээн нь “Багануурын цом” 11 дэх удаагийн тэмцээн 4 дүгээрсард  болно. 5 дугаар сарын 8-9 ний өдрүүдэд Цэргийн таеквондогийн холбооны УАШТ, Мөн БНСУ-ын элчин сайдын нэрэмжит Өсвөрийн УАШТ, 7-р сард Хөвсгөлийн цомын төлөөх 3 дахь удаагийн тэмцээн, 8-р сарын 9-10-нд Дорнодын цомын төлөөх Dornod gup open Оу-ын тэмцээн, 9-р сард Булганы цомын төлөөх 12 дахь удаагийн тэмцээн, 10-р сард Касс Таун 12 дахь удаагийн тэмцээн, 11-р сард Оюутны УАШТ, 12-р сард МОТХ-ны цомын төлөө тэмцээнүүдийг зохион явуулахаар энэ оны төлөвлөгөөндөө тусган ажиллаж байна. УАШТ –нд медаль авсан тамирчдын нэрсийг жингийн дарааллаар жагсаав. Шилдэг тамирчинаар Хөтөл хотын мараната клубын Гандорж эмэгтэй шилдэг тамирчинаар  УБ хотын Сүхбаатар дүүргийн цагдаагын 2 хэлтэсийн дэд ахлагч Б.Туяасайхан  15 дахь удаагаа түрүүллээ. Шилдэг дасгалжуулагчаар Хөтөл хотын мараната клубын дасгалжуулагч Х.Ганхишиг, Шилдэг шүүгчээр Монголын оюутаны таеквондогийн холбоо, Олимп таеквондо клубын менежер У.Түвшинсанаа нар шалгарлаа.
50 кг

1.Б.Гандорж    /Хөтөл ЦШХК-ийн Тээрэм цех/

2.Б.Буянтулга  /Дорнодполитехникколлеж /

3.Н.Энхжаргал / Дорнод /

3.Б.Жаргал  / ХСИС /

54 кг

1.С.Түмэндэмбэрэл  /Алдар/

2.А.Хас-Эрдэнэ  /Хөтөл Соёлын ордон/

3.Э.Бат-Эрдэнэ / Алдар/

3.М.Буянт  /Булган/

58 кг

1.Х.Билгүүн  /Алдар/

2.М.Түмэнбаяр /ШШГЕГ/

3.Г.Түмэнжаргал / Харцагадожо/

3.Б.Мөнх-Эрдэнэ  /ХСИС/

63 кг

1.П.Тэмүүжин / Алдар/

2.О.Оюунбилэг  /Мараната/

3.Б.Тарваа /УБИС/

3.М.Мягмарбаяр / ШШГЕГ/

68 кг

1.Э.Энхтулга /ШШГЕГ/

2.Д.Энхтүвшин /ХСИС/

3.Ц.Бархас  /Багануур/

3.Б.Сэргэлэнбат / Алдар/

74 кг

1.Г.Болдтулга/УБИС/

2.Э.Идэртулга/ХСИС/

3.Э.Мөнхбуян /ХСИС/

3. М.Наранбаатар /ШШГЕГ/

80 кг

1.Ө.Амартүвшин /Сэлэнгэ/

2.Н.Энхдөл /ШШГЕГ/

3.Х.Амарсанаа /ХСИС /

3.Б.Мөнхболд /ХСИС/

 
 ОЛИМПИЙН ТАЕКВОНДОГИЙН НАСАНД ХҮРЭГЧДИЙН 20 ДАХЬ УДААГИЙН УЛСЫН

АВАРГА ШАЛГАРУУЛАХ ТЭМЦЭЭНД МЕДАЛЬ АВСАН ТАМИРЧИД


ЭМЭГТЭЙЧҮҮДИЙН

46 кг

1.О.Даваасүрэн /ШШГЕГ/

2.С.Мөнгөнцэцэг /Дорнод Буманолз ХХК/

3.П.Номинчимэг  /Хөтөл хот тохижилт дөмбөн сайхан компани/

3.Б.Энхцэцэг  /Алдар/

49 кг

1.С.Янжинлхам  /Алдар/

2.Б.Мөнгөнзул / Нэгэнбүл/

З.З.Намуударь /Хөтөл ЦШХК-ийн Уулын цех/

3.Т.Солонго /Нэгэнбүл/

51 кг

1.Д.Отгонжаргал  /Говь-Алтай/

2.Н.Долгормаа /ШШГЕГ/

3.Э.Оюунсүрэн /Дорнод дээд сургууль/

3.Б.Мөнхцэцэг /Дорнод ЗХ-327-р анги/

55 кг

1.Г.Оюун-Эрдэнэ /ШШГЕГ/

2.Г.Отгонцэцэг  /Сэлэнгэ Хөх чоно/

3.О.Дэлгэрмаа  /Хөвсгөл/

3.И.Одсүрэн  /Сэлэнгэ 1-р сургууль/

59 кг

1.У.Ханд /Алдар/

2.Н.Хулан /Багануур/

3.С.Нямсүрэн / Сэлэнгэ/

3.Э.Номин /ШШГЕГ/

64 кг

1.Б.Туяасайхан/СБДЦ-2 тасаг/

2.Ч.Ариунзаяа /Алдар /

3.А.Долгоржав /Завхан/

3.З.Хилийн-Охин /Дорнод /