ШШГЕГ-н Тогтоол гүйцэтгэх газрын харъяа Ховд аймаг дахь жирийн дэглэмтэй хорих 457-р ангиас өнгөрсөн сарын 18-ны өдөр ялтан Хөтөөгийн Мягмаржав, Цэндмаагийн Батбаяр, Адъяабаатарын Отгонбаяр нартай бүлэглэн оргосон.
Тэднийг цагдаагийн байгууллагаас эрэн сурвалжилж байгаа ч өнөөдрийг хүртэл олоогүй байна.
ХӨТӨӨГИЙН МЯГМАРЖАВ НЬ: 1990 оны есдүгээр сарын 23-ний өдөр Увс аймгийн Тариалан суманд төрсөн, эрэгтэй, бүрэн бус дунд боловсролтой, мэргэжилгүй, ял шийтгэхийн өмнө эрхэлсэн тодорхой ажилгүй, Увс аймгийн Тариалан сумын Мянгад багт оршин сууж байсан. Ам бүл 10.Ялтан Х.Мягмаржав нь 2006 оны дөрөвдүгээр сар, 2012 оны хоёрдугаар сар, 2012 оны аравдугаар саруудад тус бүр гурван удаа Эрүүгийн хуулийн 145.2-р зүйл ангид зааснаар ял шийтгэгдэж байсан.
Биеийн өндөр 168 см, 60 кг жинтэй, гонзгой бор царайтай, хар үстэй, өтгөн хар хөмсөгтэй, давхараатай бор нүдтэй, жижиг дэлдэн чихтэй, монхор хамартай, толгойн ар дагзанд хагарсан соривтой, хоёр гарын шуунд шархны бор соривуудтай, биеэн дээрээ шивээсгүй.Оргох үедээ ялтны хангалтын хувцас болох гадуураа саарал өнгийн куртик, саарал өнгийн өмд, хуучин бакалтай.
АДЪЯАБААТАРЫН ОТГОНБАЯР НЬ: 1992 оны аравдугаар сарын 18-ны өдөр Сэлэнгэ аймгийн Шаамар суманд төрсөн, эрэгтэй, бүрэн бус дунд боловсролтой, мэргэжилгүй, ял шийтгэхийн өмнө эрхэлсэн тодорхой ажилгүй, Говь-Алтай аймгийн Тайшир сумын Далан багт оршин сууж байсан. Ам бүл 6.Ялтан Адъяабаатарын Отгонбаяр нь Говь-Алтай аймгийн Төгрөг суманд 2010 оны тавдугаар сард иргэн М-ийн таван настай охиныг хүчиндсэн. Анх удаагийн ял шийтгэлтэй.
Биеийн өндөр 150 см, 55 кг жинтэй, гонзгой бор царайтай, хар үстэй, шингэн хар хөмсөгтэй, бүлцэн нүдтэй, жижиг дэлдэн чихтэй, монхор хамартай, толгойн ар дагзанд хагарсан, нурууны баруун хэсэг зүсэгдсэн сорвиудтай, зүүн мөрөнд хутгалуулсан сорвитой, холын хараа муутай биеэн дээрээ шивээсгүй. Оргох үедээ хар саравчтай малгай, ялтны хангалтын хувцас болох гадуураа саарал өнгийн куртик, саарал өнгийн өмд, хуучин бакалтай.
ЦЭНДМААГИЙН БАТБАЯР НЬ: 1985 оны аравдугаар сарын 27-ний өдөр Говь-Алтай аймгийн Бугат суман төрсөн, эрэгтэй, бүрэн бус дунд боловсролтой, мэргэжилгүй, ял шийтгэхийн өмнө Говь-Алтай аймгийн Бугат сумын 2-р багт оршин сууж байсан ам бүл 6.Ялтан Цэндмаагийн Батбаяр нь 2010 оны 09-р сарын 02-ний өдөр Эрүүгийн хуулийн 145-р зүйлийн 145.2, 148-р зүйлийн 148.1, 261-р зүйлийн 261.1-д заасан зүйл ангиудаар дөрвөн жил, долоон сарын хорих ялаар шийтгүүлсэн. Хоёр удаагийн ял шийтгэлтэй.
Биеийн өндөр 163 см, 61 кг жинтэй, гонзгой бор царайтай, хар үстэй, өтгөн хар хөмсөгтэй, бор нүдтэй, том чихтэй, шулаан хамартай, нуруун дээрээ соривтой, биеэн дээрээ шивээсгүй. Оргох үедээ ялтны хангалтын хувцас болох гадуураа саарал өнгийн куртик, саарал өнгийн өмд, хуучин бакалтай.
Цагдаагийн байгууллагаас тэднийг Ховд, Увс, Говь-Алтай аймгуудын нутаг дэвсгэрт оргонож байж болзошгүй хэмээн үзэж байгаа юм байна. Мөн тэдний талаарх үнэн зөв мэдээллийг Эрүүгийн цагдаагийн газрын 262425,265680, 265733, 88091166 дугаарын утсаар холбогдож, авна гэлээ. Мэдээллийг чандлан нууцлахаар юм байна.
Б.Чимэг
Сэтгэгдэл (3453)