Сүүлийн үед нэгэн агуу шүүмжлэгч, гал цогтой ээлжит тэмцэгч тодроод байгаа. Тэрбээр эхлээд Ерөнхий сайд асан С.Батболдыг гэр хорооллын айл бүрт хоёр өрөө байр өг хэмээн есөн удаа огцрохыг шаардаж тэмцлийн гараагаа эхлүүлсэн юм. Дараа нь Өвөрхангай аймагт өөрийн намаас нэр дэвшсэн Г.Батхүү, Д.Зоригт хоёрыг мөнгө тараасан гэсэн дуулианыг дэгдээв. Мөн Өвөрхангай аймгийн Засаг дарга Д.Тогтохсүрэнг АТГ-т өгч шалгуулж байсан.
Харин одоо Ерөнхий сайд Н.Алтанхуягтай ээлжит тулаанаа хийхээ зарлаад байгаа энэ хүн бол АН-ын гишүүд дэмжигчдийн холбооны тэргүүн Т.Хасбаатар билээ.

    Сүүлийн үед нэгэн агуу шүүмжлэгч, гал цогтой ээлжит тэмцэгч тодроод байгаа. Тэрбээр эхлээд Ерөнхий сайд асан С.Батболдыг гэр хорооллын айл бүрт хоёр өрөө байр өг хэмээн есөн удаа огцрохыг шаардаж тэмцлийн гараагаа эхлүүлсэн юм. Дараа нь Өвөрхангай аймагт өөрийн намаас нэр дэвшсэн Г.Батхүү, Д.Зоригт хоёрыг мөнгө тараасан гэсэн дуулианыг дэгдээв. Мөн Өвөрхангай аймгийн Засаг дарга Д.Тогтохсүрэнг АТГ-т өгч шалгуулж байсан.
Харин одоо Ерөнхий сайд Н.Алтанхуягтай ээлжит тулаанаа хийхээ зарлаад байгаа энэ хүн бол АН-ын гишүүд дэмжигчдийн холбооны тэргүүн Т.Хасбаатар билээ.

    Өвөрхангай аймгийн АН-ын дарга байхдаа намынхаа нэр дэвшигчдийг мөнгө тараасан гэж монголоор нэг зарласан энэ эрхмийг АН-ын гишүүд дэмжигчдийн холбооны тэргүүн гэж үг үйлдлээс нь ойлгоход төвөгтэй. Харин ч АН-ын гишүүд дэмжигчдийн эсрэг явдаг гэж намынхан нь тодорхойлох болсон юм. Тийм учраас Өвөрхангай аймгийн АН-ын даргын албан тушаалаас огцруулаад зогсохгүй намаасаа хөөгдсөн гэгддэг. Харин өөрөө болохоор “Миний намын батлахыг хурааж аваад албан ёсоор хөөсөн шийдвэрээ танилцуулаасай л гэж боддог. Тэд чинь асар их “но”-той хүмүүс болохоор хэн нэг нь намайг хөөсөн шийдвэртээ гарын үсэг зурж чаддаггүй л байхгүй юу” хэмээн томорсон. Үндсэндээ АН-ынхан асар их "но"-той хүмүүсээр удирдуулдаг гэдгийг энэ эрхэм удаа дараа ийн нотлоод байгаа юм. Нөгөөдүүл нь ч “но”-той болохоороо түүнийг хөөсөн шийдвэрээ албан ёсоор танилцуулж чаддаггүй бололтой.

    Харин тэрбээр АН-ын дарга, ерөнхий сайд Н.Алтанхуягийг ерөнхийлөгч асан Н.Энхбаярын араас шоронд явах ёстой хүн гэж зарласан юм. Учир нь тэрээр ерөнхий сайд Н.Алтанхуягийг Германы “Дойче” банкнаас хувийн компаниар дамжуулан 40 сая ам.доллар авсан гэж мэдэгдсэн. Мэдээж баримттай болоод ингэж дуугарч байгаа биз ээ. Үүнд нь уурссан Н.Алтанхуяг нэр төрөө сэргээлгэхээр хуулийн байгууллагад хандаад удаагүй байгаа. Гэхдээ УИХ-ын гишүүнийхээ хувьд. Харин хуулийн байгууллагаар явж хэрүүл заргад  мэргэшсэн Т.Хасбаатар “Би Н.Алтанхуягийг Засгийн газрын тэргүүн, ерөнхий сайдын албан тушаалаа урвуулан ашигласан гэсэн үндэслэлээр асуудалд хандаад байгаа. Гэтэл энэ хүн УИХ-ын гишүүнийхээ хувьд гомдол мэдүүлээд байна. Яагаад Засгийн газрын тэргүүн гэдэг утгаараа асуудалд хандахаас зайлсхийгээд байна вэ?, харин ч намайг биш Н.Алтанхуягийг шалгах ёстой” хэмээн ээлжит заль мэхээ хийж эхэлсэн гэж эх сурвалж мэдээллээ.

    Н.Алтанхуяг үнэхээр асуудалтай болоод Засгийн газрын тэргүүн гэдгээрээ асуудалд хандаж чадахгүй ч байгаа юм бил үү хэмээн өөр нэгэн эх сурвалж тайлбарлав. Ямартаа ч  Т.Хасбаатар намын дарга Н.Алтанхуягаа зөрүүлээд хуулийн байгууллагад өгч байгаа бололтой. Тэрбээр энэ талаараа Германы "Дойче” банкийг олон улсын шүүхэд, Н.Алтанхуягийг АТГ-т өгнө” хэмээн мэдэгдлээ. Ийнхүү АН-ын дарга Н.Алтанхуяг, АН-ын гишүүд дэмжигчдийн холбооны тэргүүн Т.Хасбаатар хоёрын хэн нь үнэн, худлаа яриад байгааг хуулийн байгууллагууд тодруулах л үлдэж байна. Мэдээж нэг нь хариуцлага хүлээж, нөгөө нь нэр төрөө сэргээлгэнэ.

    Энэ байдлаас дүгнэж үзвэл АН-ын удирдлага, гишүүд дэмжигчидтэйгээ талцаад эхэлжээ. Гишүүд, дэмжигчид нь хүчтэй юу. Удирдлага нь хүчтэй юу гэдгийг ирэх өдрүүд харуулах биз ээ.