Яг одоо хөгжлийн бэрхшээлтэй иргэдийн парад болж байна. Хөгжлийн бэрхшээлтэй иргэдийн “Оролцоог бодит болгоё” сарын аяны нээлтийн үйл ажиллагааны хөтөлбөрийн хүрээнд өнөөдөр Төв цэнгэлдэх хүрээлэнгээс Сүхбаатарын талбай хүртэл 1000 хүний оролцоотой баярын жагсаал явж байгаа юм. Уг арга хэмжээнд төрийн байгууллагын болон нийгмийн ажилчид, хөгжлийн бэрхшээлтэй иргэд оролцож байна.

Парадыг зохион байгуулагчдын зүгээс "Гол зорилго нь хөгжлийн бэрхшээлтэй иргэд бусдын адил нийгэмд оршин тогтнож байна. Гэхдээ асуудал их байна. Үүнийг төр засаг, ард иргэд бүгд хүлээн зөвшөөрч сэтгэл зүрх гаргаач гэсэн утгатай баярын жагсаал юм” гэв.

Параданд паралимпын тамирчид, сонсголын бэршээлтэй миссүүд, урлагийнхан , хөгжлийн бэрхшээлтэй хүүхдүүд болон ТББ-уудын төлөөлөл оролцж байгаа бөгөөд уг жагсаал 11.00 цагт эхэлж Төв цэнгэлдэх хүрээлэнгээс Энх тайваны гүүр даваад Сүхбаатарын талбай хүртэл явж, 14.30 цагт өндөрлөх юм байна.

09.00-10.00 Оролцогчдын бүртгэл

10.00-11.00 Жагсаалын бэлтгэл

11.00 -12.30 Баярын жагсаал /Төв цэнгэлдэхээс Сүхбаатарын талбай/

13.00-13.10  Нээлт /УИХ-ын гишүүн, ЗГ-ын гишүүн, ХАХНХ-ын сайд С.Эрдэнэ /

13.10-13.30 Ая дууны мэндчилгээ, НҮБ-ын элч дуучин, МУГЖ Т.Ариунаа

13.30-13.40 Мэндчилгээ Холбогдох яамдууд

13.40-13.50 Ая дууны мэндчилгээ Дуучин МУГЖ Ч.Амаржаргал

13.50-14.00 Мэндчилгээ МХБИХ-ны ерөнхийлөгч Ц.Мөнхсаруул

14.00-14.10 Ая дууны мэндчилгээ Х-Түц хамтлаг

14.10-14.30 Хаалт