Ерөнхий сайд Н.Алтанхуяг өнөөдөр аймгуудын Засаг дарга нартай ээлжит цахим хурал хийж, орон нутагт ажилласан томилолтынхоо үр дүнг танилцууллаа. Мөн Монгол Улсаас гадаад оронд суух Элчин сайд нарыг Засгийн газрын хуралдаанаар оруулж, улмаар УИХ-аас томилдог атал өнгөрсөн жилүүдэд аймгийн Засаг дарга нар өөрсдийн эрх мэдлийн хүрээнд бас нэг орон нутгийг төлөөлөн суух төлөөлөгч томилдог жишиг тогтсон байсан аж. Тэр бүрт төсвийн мөнгө үрэгддэг. Тиймээс ийм алдаа давтахгүй байхыг Ерөнхий сайд холбогдох албаныханд санууллаа. Түүнчлэн зарим Засаг дарга эрх мэдлээ хэтрүүлж хууль зөрчин газар олгосон тохиолдол цөөнгүй байдаг. Ийм алдааг ч бас гаргах ёсгүй гэсэн юм. Энэ мэтчилэн олон асуудлыг ярилцсан юм.

Засгийн газраас иргэдийн санаа бодлыг сонсох зорилгоор 11 11 утас ажиллуулж эхэлснээр 21 аймгийн иргэд хаанаас ч холбогдох боломжтой болсон билээ.