Энэ сарын 1-2-нд шилжих шөнө Ховд аймгийн Булган суманд ажил үүргээ гүйцэтгэж явсан цагдаагийн дэд ахлагч Б.Төмөрчөдөр зэвсэглэсэн этгээдүүдийн гарт амиа алдсан харамсалтай хэрэг гарсан. Түүнийг албан үүргээ гүйцэтгэж явахад нь зэвсэглэсэн гурван этгээд буудаж, амь насыг нь хөнөөсөн юм. Б.Төмөрчөдөр нь яаралтай эмнэлгийн тусламж авч чадалгүй эмнэлэг явах замдаа нас барсан билээ. Харин түүнийг хөнөөсөн этгээдүүдийг өчигдөр шөнө баривчилжээ. Хэрэгт Ховд аймгийн хорих ангиас оргосон оргодлуудыг сэжиглэж байсан боловч хоригдлууд биш байсан аж. Хэргийг Ховд Булган сумын Баянгол багийн иргэн 19 настай Хурамхаан овогтой Саягас, Хызереак овогтой Сапаргали нарын хамт үйлдсэн байна.
Тэднийг аймгийн цагдаагийн хэлтэст саатуулан шалгаж эхэлжээ. Мөн гэмт этгээдүүдээс хэрэг үйлдсэн дорбинк бууг нь эд мөрийн баримт болгон хураан авсан байна.
Ажил үүргээ гүйцэтгэж яваад амь насаа алдсан цагдаагийн дэд ахлагч Б.Төмөрчөдөр нь 1990 онд төрсөн, ээж, дүүгийн хамт амьдардаг байсан аж. Тэрээр өнгөрсөн нэгдүгээр сарын 03-нд Ховд аймгийн Булган сумын цагдаагийн хэлтэст томилогдон ажиллаж байжээ.
Б.Чимэг
Сэтгэгдэл (29)