УИХ-ын дэд дарга С.Баярцогтын хөрөнгө орлогын мэдүүлгээсээ нуусан компани нь илчлэгдсэн асуудал олны анхаарлыг татаж байна. Тэрбээр өчигдөр Төрийн ордонд мэдээлэл хийж, хариуцлагаа хүлээхэд бэлэн гэдгээ мэдэгдсэн юм.

    УИХ-ын дэд дарга С.Баярцогтын хөрөнгө орлогын мэдүүлгээсээ нуусан компани нь илчлэгдсэн асуудал олны анхаарлыг татаж байна. Тэрбээр өчигдөр Төрийн ордонд мэдээлэл хийж, хариуцлагаа хүлээхэд бэлэн гэдгээ мэдэгдсэн юм.

Харин С.Баярцогт ёс зүйн хувьд яах ёстойгоо УИХ-ын дарга З.Энхболдтой зөвлөлдсөн аж.  

Тэрбээр “Би алдаа гаргасан уу, гаргасан. Тийм учраас хуульд заасан хариуцлагаа хүлээхэд бэлэн. Энэ асуудлаар би өөрөө УИХ-ын даргатай ярьсан. УИХ-ын гишүүний хувьд ёс зүйн хариуцлага хүлээх ёстой гэсэн байр суурьтай байгаа” хэмээн хэлсэн юм.

Мөн “Хуулинд заасан хариуцлага бол нэгдүгээрт сануулах, хоёрдугаарт торгууль тавих, гуравдугаарт албан тушаалаас бууруулах, дөрөвдүгээрт албан тушаалаас нь чөлөөлөх гэж байгаа. Сануулах арга хэмжээ авлаа гэхэд хүмүүст таалагдахгүй. Торгууль тавилаа гэхэд цалингийн 20 хувь шүү дээ. Бас л хүмүүст таалагдахгүй. Тэгэхээр сүүлийн хоёр хариуцлагын нэгийг л ярих байх даа” гэсэн.
С.Баярцогт, З.Энхболд нар ийнхүү байдлыг харъя гэж зөвлөлджээ.