Сүхбаатарын талбайд МАН-аас зохион байгуулсан жагсаалын үеэр жагсагчид олон янзын үгтэй лоозон барьсан байлаа. Тухайлбал, "Ерөнхий сайд аа, цалингаа нэм", "Шударга ёс устлаа, Ерөнхийлөгч өө", Улстөрийн намууд эх орноо худалдахаа зогсоо", "Шударга ёсыг тогтооё", "Ерөнхий сайд хууль зөрчихөө боль", "Ерөнхийлөгчөө одон бөөндөж, овоо тахихгүй гэсэн яасан бэ" "Ерөнхий сайд аа, тэтгэврээ нэм", "Ерөнхий сайд аа, цалингаа нэм" зэрэг үгтэй том том лоозонг хүмүүс барьж байв. Одоогоор  талбай дээр байгаа жагсагчид цөөрсөн байна. Тэд Засгийн газарт  хандан үнийн өсөлтийг хязгаарлах, 100 мянган айл орон сууц хөтөлбөрийг үргэлжлүүлэх, цалингийн доод хэмжээ болон тэтгэвэр тэтгэмжийг нэмэх ёстой гэсэн хэд хэдэн шаардлага тавьж байгаа юм.