МАН-ын дарга Ө.Энхтүвшин өнөөдөр  талбай дээр болсон жагсаалын үеэр махны үнэ зах дээр 1200 төгрөг байгаа нь одоогийн шинэчлэлийн Засгийн газраас болсон хэмээн ярив.

Ард түмний нам, ард түмний дунд байна хэмээн ярьдаг ч ам ажлын зөрүү хэтэрхий их байгааг Ө.Энхтүвшин дарга батлаад орхих шиг. Кг махны үнэ ч мэдэхгүй, алд дэлэм зөрүүлж 1200 төгрөг гэж хэлэхдээ ч яахав дээ. Талх 300 төгрөг байгаа хэмээн онигоонд орж байсан Сангийн яамны дэд сайд асан Ч.Ганхуяг “Талх” гэх алдрыг өөртөө наасан. Харин намынх нь дарга  Ө.Энхтүвшинд “Мах" хэмээх алдрыг тун удахгүй өгөх биз ээ.

Махны үнэ өнөөдөр хэдэн төгрөг байгаад мэдэхгүй дарга иргэдийнхээ үгийг сонсч байна гэж ам бардам хэлэх нь ичгэвтэр хэрэг. Мах, талхныхаа үнийг мэддэггүй энэ төрийн түшээдүүд ард иргэдийнхээ амьдралыг мэдэх болтлоо өдий байна даа.