УИХ-ын хаврын чуулганы нээлтийн үеэр УИХ дахь МАН-ын гишүүд чуулганыг орхин Сүхбаатарын талбайд жагсч буй иргэдтэй нэгдсэн. Энэ үеэр тэд чуулганы орхисон шалтгаанаа тайлбарласан юм. МАН-ын нарийн бичгийн дарга Ж.Сүхбаатар хэлэхдээ  "УИХ дахь МАН-ын бүлгүүд хуралдааныг орхин гарсан шалтгаан бол хууль ёсных юм. Яагаад гэвэл хуульд зааснаар Үндсэн хуулийг зөрчиж байна гэж үзэж байвад тухайн УИХ-ын гишүүд хуралдааныг орхин гарч болдог.  Өнөөдөр Ерөнхий сайд бодитойгоор хоёр удаа үндсэн хууль зөрчсөнийг Үндсэн хуулийн цэц тогтоосон.  Мөн Үндсэн хууль зөрчсөн зарим нэг хүмүүст хэрэг үүсгээд явж байна. Тэгэхээр Үндсэн хуулиа зөрчдөг Ерөнхий сайдтай байж болох уу?. МУҮХ-д зааснаар Монгол улсын Ерөнхий сайд төрийн хууль биелүүлэх ажлыг засгийн газ,рын өмнөөс УИХ-ын өмнө хариуцдаг.  Тэгэхээр Үндсэн хуулийг зөрчдөг Ерөнхий сайдтай хариуцлага тооцох ёстой. Үүнээс л болж төрийн алба, төрлийн алба болж байна. Мөн хэвлэлийн эрх чөлөө хаагдаж, боогдож байна. Одоо 700 гаруй тэрбум төгрөгийг мах, гурил, ноос зэргийн үнийн өсөлтөд зохицуулах гээд урамшуулал болгоод өгчихсөн. Энэ мөнгийг аль компаниудад өгөв. Үр дүн ямар байв. Өнөөдөр Чингис хааныхаа нэрийг барьцаанд тавиад  1.5 миллиард долларыг маш их зүйлийг хийнэ гэж амлаж, өр тавьчихаад сууж байна. Энэ болгон дээр дуугай суугаад байж болохгүй. Эрх мэдэлтнүүдээс зөв ажиллахыг шаардаж байна. Эрх мэдэлтнүүд буруу ажиллавал ард түмэн алддаг. Таны татварт төлдөг мөнгөөр дураараа авирлах боломж эрх баригчдад байгаа болохоос сөрөг хүчинд байгаа юм биш.  Хамгийн том  зохион байгуулалттай улс төрийн хүчин бол МАН" гэсэн юм.