Ардын намын дарга Ө.Энхтүвшин Бүгд найрамдах ардчилсан Солонгос улсаас манай улсад суугаа онц бөгөөд бүрэн эрхт Элчин сайдтай хэд хоногийн өмнө уулзсан. Хоёр Солонгосын харьцаа хурцадмал байгаа энэ үед тэд уулзсан нь сонирхол татаж байсан юм. Гэвч тэдний юу ярьсан нь өнөөдөр таавар мэт байна. 
    Ардын намын дарга Ө.Энхтүвшин Бүгд найрамдах ардчилсан Солонгос улсаас манай улсад суугаа онц бөгөөд бүрэн эрхт Элчин сайдтай хэд хоногийн өмнө уулзсан. Хоёр Солонгосын харьцаа хурцадмал байгаа энэ үед тэд уулзсан нь сонирхол татаж байсан юм. Гэвч тэдний юу ярьсан нь өнөөдөр таавар мэт байна. 

    Тиймээс Ардын намын нарийн бичгийн дарга Ц.Мөнх-Оргилтой уулзаж энэ талаар тодруулав. Тэрээр  “Манай хоёр нам түүхийн сэжмээр холбогдсон өнө эртний найрсаг харилцаа, хамтын ажиллагаатай явж ирсэн. Хоёр намын харилцаа өдгөө ч 2002 онд шинэчлэгдэн байгуулагдсан “Найрамдал хамтын ажиллагааны гэрээ”-ний үндсэн дээр амжилттай хөгжиж байна. Бидний бүх талын харилцаа ямагт нэгдсэн ойлголцолд хүрч харилцан хүндэтгэлтэй явж ирсэн. Сүүлийн үед Солонгосын хойг дахь нөхцөл байдал хурцдаж, онц ноцтой хямралт байдал үүсч болзошгүй аюул тулгарч байгаад манай нам, бид сэтгэл зовниж байгаа. Энэ байдал цаашид даамжирвал Азид төдийгүй дэлхий дахиныг хамарсан уршигт хүргэж болох талтай. Иймээс асуудлыг улс төр-дипломатын аргаар, яриа хэлэлцээрийн журмаар шийдэх нь хамгийн оновчтой, зөв зам болно гэж манай нам үзэж байгаа тухайгаа Солонгосын талд илэрхийлсэн” гэв.

    Түүнчлэн Ардын намын дарга Ө.Энхтүвшин тус улсын Хөдөлмөрийн намын нэгдүгээр нарийн бичгийн дарга, цэргийн төв хорооны дарга Ким Чөн Унд энэ талаарх байр сууриа илэрхийлсэн захидал илгээсэн байна.