Монгол Улсын хөдөлмөрийн баатар, гавьяат тамирчин П.Сэрдамба Монголын боксын холбооны ерөнхий нарийн бичгийн даргын үүрэгт ажлын хүлээж авсан тухай бид өмнө нь мэдээлж байсан. Тэрээр энэ албанд томилогдсоноор тамирчны хувьд их спортын замналаа өндөрлүүлж, боксын спортыг хөгжүүлэх үйлст хүчин зүтгэхээр болж байгаа гэдгийг хүн бүр таамаглаж байсан байх.  Тэгвэл энэ нь биелэлээ олж тэрээр зодог тайлахаа мэдэгдээд байна. Зодог тайлсан учир сүүлийн үед болох томоохон тэмцээн уралдаануудад П.Сэрдамба оролцохгүй юм. Тэрээр "Миний нас болоогүй ч би өөрийгөө болсон гэж бодож байна. Шинэ залуу хүүхдүүдээ дэмжиж хэрэгтэй" гэв.