Нийслэлийн Багахангай
дүүргийн нэгдүгээр хорооны нутаг дэвсгэрт байрлах агаарын нисэхийн агуулахад
өнгөрсөн сарын 31-ний шөнө гурван шланз автомашинаар 220 тонн магнийн исэл
нэртэй химийн хорт хаягдал хаяхыг завдсан байна.“Тамбов цэргийн химичид” нэртэй төрийн бус байгууллагын захирал Л.Баярсайхан, ЗХЖШ-ын агаарын довтолгооноос хамгаалах цэргийн командлагч, бригадын генерал Т.Дашдэлэгтэй гэрээ байгуулснаар дээрх агуулахад химийн хорт бодисын хаягдал хаях эх үндэс бүрдсэн гэж тус дүүргийн оршин суугчид ярьж байна. Уг агуулахад химийн хорт хаягдал хадгалах ямарч нөхцөл боломжгүй ил задгайн дээр тус дүүргийн ундны усны нөөцийн сувгийн хажууд байрладаг аж. Тиймээс иргэд өөрсдийн аюулгүй байдлыг хангахын тулд энэхүү үйлдлийг эсэргүүцэж байгаа аж. Дээрх хүмүүс гэрээ байгуулахдаа оршин суугчдын саналыг харгалзаж үзэлгүй дээрх шийдвэрт хүрчээ. Тухайн үед иргэд энэ бүхнийг эсэргүүцэж байсан учир асуудал тэгэсхийгээд намжсан байна. Харин энэ сарын сүүлчээр “Тамбов цэргийн химичид” төрийн бус байгууллагынхан БОНХЯ-ны хүрээлэн буй орчин, Байгалийн нөөцийн дарга Д.Энхбат гэгчийн зөвшөөрлийг үзүүлж, тус дүүрэгт ямар ч гарал үүсэл, нэр хаягийн бичиггүй, сав баглаа, хадгалалтын нөхцлийн шаардлага хангаагүй ил задгай хэлбэртэй химийн бодисын хаягдлыг хаяхыг завдсан байна.
