Хэрэглээний үнийн улсын индекс 0.8 хувиар, өмнөх оны мөн үеийнхээс 9.8 хувиар өсчээ. Энэхүү өсөлтөд хүнсний бараа, ус ундааны үнэ нэмэгдсэн нь нөлөөлсөн байна.Түүнчлэн өдөр ирэх бүр л хэрэглээний гол нэрийн барааны үнэ бага багаар нэмэгдэж байгаа аж. Учир нь эрэлтэд тулгуурлаж шатахуун өссөн гэх шалтгаанаар үйлдвэрлэгчид болон импортлогчид барааныхаа үнийг бага зэрэг нэмдэг бөгөөд гараас гар дамжсан наймаачид өөрсдийн аманд багтсан үнэ хэлж гол үнийн хөөрөгдлийг бий болгоод байгаа аж. Mөнгөний нийлүүлэлт өнгөрсөн гуравдугаар сарын эцэст 7293.7 тэрбум төгрөг болж, өмнөх хоёрдугаар сарынхаас 55.7 тэрбум төгрөгөөр өнгөрсөн оноос 1188.9 тэрбум төгрөгөөр өсчээ. Тэгвэл гүйлгээнд байгаа бэлэн мөнгө өнгөрсөн сард 687.7 тэрбум төрөг болж6.1 хувиар мөн өссөн гэнэ. Үнэт цаасны арилжаагаар энэ оны эхний улиралд 8.7 тэрбум төгрөгийн гүйлгээ хийгдэж, 14.2 сая ширхэг үнэт цаас арилжигджээ.

Харин улсын нэгдсэн төсвийн урсгал орлого эхний улиралын байдлаар 1103.2 тэрбум төгрөг, урсгал зардал 986.9 тэрбум төгрөг болж тэнцвэржүүлсэн урсгал тэнцэл 116.3 тэрбум төгрөгийн ашигтай гарчээ.Нийт  46.5 тэрбум төгрөгийн татвар хуримтлагдсан байна. Өнгөрсөн гурван сарын байдлаар манай улс дэлхийн 104 оронтой  худалдаа хийж, гадаад худалдааны нийт бараа эргэлт 2014.2 сая ам.долларт хүрчээ.